اسلام آباد: وزیراعظم کی مشیر برائے اطلاعات فردوس عاشق اعوان نے اپوزیشن پر کڑی نکتہ چینی کرتے ہوئے کہا ہے کہ قومی خزانہ بے رحمی سے لوٹنے والے پیٹرولیم مصنوعات کی قیمتوں پر مگر مچھ کے آنسو بہا رہے ہیں۔ انہوں نے کہا کہ لاپتہ اپوزیشن لیڈر کا لندن سے عوام کا درد بیان کرنا مذاق سے کم نہیں ہے۔
حکومت اب تک عوام کو پیٹرولیم مصنوعات میں ریلف دینے اور انکی زائد قیمتوں کے بوجھ کے اثرات سے بچانے کیلئے 60 ارب روپے سے زائد کی سبسڈی دے چکی ہے۔ قومی خزانہ بے رحمی سے لوٹنے والے پیٹرولیم مصنوعات کی قیمتوں پر مگر مچھ کے آنسو بہا رہے ہیں۔
— Firdous Ashiq Awan (@Dr_FirdousPTI) June 1, 2019
اپوزیشن رہنماؤں کی جانب سے پٹرولیم مصنوعات کی قیمتوں میں کیے جانے والے حالیہ اضافے پر جاری کردہ بیانات کو سخت تنقید کا نشانہ بناتے ہوئے سماجی رابطے کی ویب سائٹ ’ٹوئٹر‘ پر جاری کردہ اپنے پیغام میں فردوس عاشق اعوان نے کہا کہ حکومت عوام کو پیٹرولیم مصنوعات کی مد میں ریلیف دینے کے لیے اب تک 60 ارب روپے سے زائد کی سبسڈی دے چکی ہے۔
لاپتہ اپوزیشن لیڈر کا لندن کے صحت افزا مقام سے عوام کا درد بیان کرنا مذاق سے کم نہیں۔ انہوں نے مال کمایا قوم اور معیشت نے ان سے صرف نقصان اٹھایا۔
— Firdous Ashiq Awan (@Dr_FirdousPTI) June 1, 2019
وزیراعظم کی مشیر برائے اطلاعات نے کہا کہ اگر لاکرز، لانچیں، گھر، پاپڑ، ریڑھی اور فالودے والوں کے اکاؤنٹس نہ بھرے جاتے تو آج ملکی معیشت مستحکم ہوتی۔
لاکرز، لانچیں، گھر، پاپڑ، ریڑھی اور فالودے والوں کے اکاؤنٹس نہ بھرے جاتے تو آج ملکی معیشت مستحکم ہوتی۔ ملک و قوم کا تیل نکالنے والی کرپشن الیون کے کھلاڑی عوامی جذبات سے کھیل کر اپنے گناہ بخشوانا چاہتے ہیں۔
— Firdous Ashiq Awan (@Dr_FirdousPTI) June 1, 2019
فردوس عاشق اعوان نے الزام عائد کیا کہ ملک و قوم کا تیل نکالنے والی ’کرپشن الیون‘ کے کھلاڑی عوامی جذبات سے کھیل کر اپنے گناہ بخشوانا چاہتے ہیں۔
