اسلام آباد: وزیر اعظم کی معاون خصوصی فردوس عاشق اعوان نے کہا ہے کہ مسئلہ فلسطین کا دو ریاستی حل کے سوا کوئی چارہ نہیں ہے۔
فردوس عاشق اعوان نے سماجی رابطہ کی ویب سائٹ ٹوئٹر کہا کہ وزیر اعظم عمران خان نے او آئی سی سربراہ اجلاس سے تاریخی خطاب کیا اور امت مسلمہ کے جذبات کی صحیح معنوں میں عکاسی کی۔
یہ بھی پڑھیں اسرائیل معصوم فلسطینیوں کے خلاف دہشت گردی کر رہا ہے، عمران خان
انہوں نے کہا کہ وزیراعظم نےاسلام کا حقیقی تشخص اجاگر کرنے کے لیے نئی راہ عمل متعین کی اور مقبوضہ کشمیر اور فلسطین کے وکیل بن کر ابھرے۔ وزیر اعظم نے کہا کہ کشمیریوں کی منصفانہ جدوجہد کو دہشت گردی کا نام نہیں دیا جا سکتا۔
خان صاحب کی OIC سمٹ میں تقریر
۱- حضرت محمد(ص) کی حرمت کی اہمیت بارے ویسٹ ورلڈ کواحساس دلانا
۲- دہشتگردی کا اسلام یا کسی مذاہب سے کوئی تعلق نہی
۳- تعلیم کی اہمیت پر زور اور مسلمانوں کے دوسری اقوام سے پیچھے رہ جانےکی وجوہات
۴- فلسطین و کشمیر کے مسلمانوں پہ مظالم کو اجاگر کیا
— Dr. Firdos Ashiq Awan (@FirdosAwanPTI_) June 1, 2019
فردوس عاشق اعوان نے کہا کہ عمران خان کا سائنس پرتوجہ دینے پر زور اسلامی دنیا کو ان کی میراث یاد دلاتا ہے، عظیم مسلمان سائنس دان جدید علوم کے بانی، موجد اور بنیادی اساتذہ میں شامل ہیں۔
واضح رہے کہ وزیر اعظم عمران خان 30 مئی کو سعودی عرب پہنچے تھے جہاں انہوں نے 14 ویں اسلامی سربراہی کانفرنس میں پاکستان کی نمائندگی کی۔
سال 2019 او آئی سی کے قیام کا 50 واں سال ہے۔ او آئی سی اقوام متحدہ کے بعد دنیا کا دوسرا بڑا فورم ہے۔ بانی رکن ہونے کی وجہ سے پاکستان او آئی سی کا متحرک ترین رکن بھی ہے۔