اسلام آباد: وزیراعظم عمران خان کے معاون خصوصی نعیم الحق نے کہا ہے کہ پارٹی میں کوئی بھی اپنے رشتہ دار کو پروموٹ نہیں کر سکتا۔ ایسا عمل تحریک انصاف کے ضبطہ اخلاق کے خلاف ہے۔
پاکستان تحریک انصاف (پی ٹی آئی) کے مرکزی رہنما نعیم الحق نے سماجی رابطہ کی ویب سائٹ ٹوئٹر پر کہا ہے کہ تحریک انصاف نے اقربا پروری کی ہمیشہ ہی مخالفت کی ہے۔ وزیر اعظم عمران خان نے پارٹی رہنما زرتاج گل کو نیکٹا کو لکھے گئے خط سے دستبردار ہونے کی ہدایت کی ہے۔
The PM has directed that Zartaj Gul shud withdraw her letter written to NACTA regarding the appointment of her sister. This was against the ethics of PTI which has always opposed nepotism. No one in the PTI govt is can promote their relatives/friends by using their positions.
— Naeem ul Haque (@naeemul_haque) June 2, 2019
واضح رہے کہ وفاقی وزیر زرتاج گل کی بہن شبنم گل کو نیشنل کاؤنٹر ٹیرارزم اتھارٹی (نیکٹا) کا ڈائریکٹر لگایا گیا جس کی سفارش کے لیے وفاقی وزیر موسمیات زرتاج گل کی جانب سے خط لکھا گیا تھا جو لیک ہو کر سوشل میڈیا کی زینت بن گیا تھا۔
یہ بھی پڑھیں حکومت کی نوکریاں یا اندھے کی ریوڑیاں؟
وفاقی وزیر کی بہن شبنم گل کی خدمات لاہور کالج فار ویمن یونیورسٹی سے لے کر نیکٹا کے حوالے کردی گئی ہیں۔ مذکورہ خاتون تعلیمی ادارے میں بین الاقوامی تعلقات(انٹرنیشنل ریلیشنز) کی پروفیسر تھیں۔
ذرائع کا کہنا ہے کہ شبنم گل کی خدمات لینے سے قبل مذکورہ تعلیمی ادارے کو پیشگی مطلع نہیں کیا گیا اور تعیناتی کے لیے یونیورسٹی سنڈیکیٹ سے منظوری بھی حاصل نہیں کی گئی۔
شبنم گل گریڈ 18 کی افسر ہیں لیکن یونیورسٹی نے انہیں اعزازی گریڈ 19 دے رکھا تھا۔ انہوں نے 2010 میں پولیٹکل سائنس میں پی ایچ ڈی میں داخلہ لیا تھا لیکن 9 سال گزر جانے کے باوجود بھی اپنی پی ایچ ڈی مکمل نہیں کر سکیں۔