بھارت سے تعلق رکھنے والے سوشل میڈیا ایکٹوسٹ اور ایڈ میکر رام سبرامینین نے کہا ہے کہ بھارتی سیاستدان عمران خان کی بھارت میں شہرت سے خوف زدہ ہیں۔
انہوں نے سماجی رابطے کی ویب سائٹ ٹوئٹر پر سیلز شوروم کی تصویر شیئر کی جس میں مختلف ایل ای ڈیز ٹیلی وژن ترتیب سے پڑے ہوئے تھے اور ان پر وال پیپر چل رہے تھے مگر ایک ایل ای ڈی پر پاکستان کے وزیراعظم عمران خان کے بارے میں ایک دستاویزی فلم چل رہی تھی۔
Yesterday I was at Vijay Sales Showroom in Mumbai and saw this happen. Every TV in the display section showed some screensaver except one. It had @ImranKhanPTI talking on it.
I guess it’s easy to understand why some among Indian politicians dislike him. He can transcend 1/3 pic.twitter.com/c8yMZhuuo5— Ram Subramanian (@VORdotcom) May 30, 2019
تصویر پر تبصرہ کرتے ہوئے ان کا کہنا تھا کہ بھارتی سیاستدانوں کی عمران خان سے منافرت کی وجوہات اب سمجھ میں آتی ہیں کیوں کہ وہ ان کے بیانیے اور ایجنڈے سے بالاتر ہونے کی صلاحیت رکھتے ہیں
ان کا مزید کہنا تھا کہ عمران خان بھارت میں بہت مقبول اور چاہئے جانے والی شخصیت ہیں، جب تک بھارت میں کرکٹ کو پسند کیا جائے گا تب تک عمران خان بھی بھارتیوں کے دلوں میں زندہ رہیں گے اور جنہیں یوں پسند کیا جاتا ہے ان سے جنگ نہیں لڑی جاتی۔
انہوں نے کہا کہ عمران خان نہ صرف ایسے وزیراعظم ہیں جس کی پاکستان کو ضرورت تھی بلکہ بے چین اور غصہ سے بھرے ہوئے بھارت کو بھی پاکستان میں ایسے ہی حکمران کی ضرورت تھی۔
