اسلام آباد: وفاقی وزیر برائے سائنس و ٹیکنالوجی فواد چوہدری نے کہا ہے کہ عوام کو چند افراد پر بھروسہ کرنے کی بجائے سائنس اور جدید ٹیکنالوجی پر اعتماد کرنا چاہیئے۔
سماجی رابطے کی ویب سائیٹ پر ٹویٹ کے ذریعے انہوں نے اعلان کیا ہے کہ محکمہ موسمیات کے تمام 66 مقامات عام لوگوں کو چاند دکھانے کے لیے کھلی رہیں گے۔
فواد چوہدری نے مزید کہا کہ ان میں سے کچھ مقامات پر جدید سہولیات اور دیگر پر بنیادی سہولیات موجود ہیں، اس بار ہم یقینی بنائیں گے کہ لوگ چاند کو خود دیکھیں۔
All 66 sites of MET will be open for public for moon sighting, some facilities are very modern others are basic but we ll make sure this time people themselve see moon and trust Science and modern technology more than few individuals. pic.twitter.com/k664ci7PoX
— Ch Fawad Hussain (@fawadchaudhry) June 3, 2019
مزید پڑھیں: ’رویت ہلال کمیٹی کو ختم کرکے چاند سائنسی بنیادوں پر دیکھا جائے‘
اس سے قبل ہم نیوز کے پروگرام ’پاکستان ٹونائیٹ‘ میں بات کرتے ہوئے انہوں نے کہا تھا کہ قمری کیلنڈر کے بعد رویت ہلال کمیٹی کی ضرورت باقی نہیں رہی تاہم چاند دیکھنے کے معاملے پر حتمی فیصلہ کابینہ کرے گی۔
