اسلام آباد: وزیراعظم عمران خان نے کہا ہے کہ پاک فوج نے رضا کارانہ طور پر دفاعی بجٹ میں اضافہ نہ لینے کا فیصلہ کیا ہے۔
اپنے ٹوئٹر پیغام میں عمران خان کا کہنا تھا کہ یہ فیصلہ حقیقی قومی ادارے کی حب الوطنی کی عکاسی اور احسن اقدام ہے۔
I appreciate Pak Mil’s unprecedented voluntary initiative of stringent cuts in their defence expenditures for next FY bec of our critical financial situation, despite multiple security challenges. My govt will spend this money saved on dev of merged tribal areas & Balochistan.
— Imran Khan (@ImranKhanPTI) June 4, 2019
ذرائع کے مطابق فوج نے راشن اور سفری الاؤنس اور انتظامی اخراجات میں کمی کا فیصلہ کیا ہے۔
رواں مالی سال میں دفاعی ترقیاتی اخراجات موخر کرنے کا بھی فیصلہ کیا ہے۔
ذرائع کا کہنا تھا کہ ان تمام اقدامات کے نتیجے میں بچ جانے والی رقم کو حکومت قبائلی علاقوں اور بلوچستان میں ترقیاتی کام پر خرچ کرے گی۔
پاک فوج کے افسران نے تنخواہوں میں اضافہ نہ لینے کا فیصلہ کیا ہے جبکہ یہ فیصلہ رضاکارانہ طور پر کیا گیا ہے۔
ذرائع کا مزید کہنا تھا کہ یہ فیصلہ ملکی مالی صورت حال کے پیش نظر کیا گیا ہے۔