اسلام آباد: وفاقی وزیرسائنس و ٹیکنالوجی فواد چوہدری نے عید الاضحیٰ اور محرم کی تاریخ بھی بتا دی۔
سماجی رابطے کی ویب سائیٹ پر اپنے ٹویٹ میں انہوں نے کہا کہ ہجری کیلنڈر کے مطابق عیدالاضحیٰ پیر 12 اگست 2019 کو ہوگی جبکہ محرم اتوار یکم ستمبر2019 کو ہوگا۔
چلئے اب اس عید کی بحث ختم ، اب اگلے دو اہم اسلامی دن یعنی عید الاضحیٰ اور محرم کب ہیں ، ھجری کیلنڈر کے مطابق عید الا ضحیٰ سوموار 12 اگست 2019 اور محرم یکم ستمبر 2019 بروز اتوار کو ہو گا۔
— Ch Fawad Hussain (@fawadchaudhry) June 6, 2019
اس سے قبل انہوں نے عید الفطر کی تاریخ بھی درست بتائی تھی۔ وزارت سائنس و ٹیکنالوجی کی جانب سے تیار کردہ ایپ پر اگلے پانچ برسوں کا قمری کیلنڈر دیکھا جا سکتا ہے۔
یہ بھی پڑھیں: ’رویت ہلال کے معاملے میں سائنس پر بھروسہ کریں‘
اس ایپ میں چاند کی پیدائش اور بڑھوتری کے تمام مراحل دیکھے جا سکتے ہیں۔
انہوں نے چاند دیکھنے کے لیے محکمہ موسمیات کے 66 مقامات عوام کے لیے کھلے رکھنے کا اعلان بھی کیا تھا تاکہ لوگ اپنی آنکھوں سے چاند کو دیکھ سکیں۔
All 66 sites of MET will be open for public for moon sighting, some facilities are very modern others are basic but we ll make sure this time people themselve see moon and trust Science and modern technology more than few individuals. pic.twitter.com/k664ci7PoX
— Ch Fawad Hussain (@fawadchaudhry) June 3, 2019
