لاہور: صوبہ پنجاب میں مختلف سرکاری محکموں کے ریسٹ ہاؤسز کو عوام الناس کے لیے کھول دیا گیا ہے۔ اس بات کا اعلان وزیراعلیٰ پنجاب عثمان بزدار نے سماجی رابطے کی ویب سائٹ ’ٹوئٹر‘ پر جاری کردہ اپنے پیغام میں کہی ہے۔
پنجاب میں مختلف محکموں کے 177 ریسٹ ہاؤسز کو، جو کہ پہلے سرکاری عہدیدار صرف اپنے ذاتی استعمال میں رکھتے تھے، عام عوام کے استعمال کے لئے کھول دیا گیا ہے
اس سےحاصل ہونے والی آمدن سے ناصرف ملحقہ علاقوں کی کمیونٹی ڈویلپمنٹ کےلیے فنڈز جمع ہوں گے بلکہ ریسٹ ہاؤسز کی دیکھ بھال بھی ہو گی!
— Usman Buzdar (@UsmanAKBuzdar) June 8, 2019
وزیر اعلیٰ پنجاب نے سماجی رابطے کی ویب سائٹ پر جاری کردہ اپنے پیغام میں کہا ہے کہ پنجاب میں مختلف محکموں کے 177 ریسٹ ہاؤسز کو جو پہلے سرکاری عہدیدار صرف اپنے ذاتی استعمال میں رکھتے تھے کو عام عوام کے استعمال کے لئے کھول دیا گیا ہے۔
انہوں نے اس ضمن میں مؤقف اپنایا ہے کہ حاصل ہونے والی آمدن سے نا صرف ملحقہ علاقوں کی کمیونٹی ڈیولپمنٹ کے لیے فنڈز جمع ہوں گے بلکہ ریسٹ ہاؤسز کی دیکھ بھال بھی ہو گی۔
وزیراعظم عمران خان نے جب سے وزارت عظمیٰ کا منصب سنبھالا ہے اس وقت سے وہ سیاحت کوفروغ دینے پہ نہ صرف مسلسل زور دے رہے ہیں بلکہ اس سلسلے میں ان کی حکومت نے متعدد اقدامات بھی اٹھائے ہیں۔
