پاک-بھارت میچ: ٹکٹس پانچ لاکھ روپے میں دستیاب

مانچسٹر: پاکستان اور بھارت کے درمیان ورلڈ کپ 2019 کے میچ کا ایک ٹکٹ تقریباً پانچ لاکھ پاکستانی روپوں میں فروخت ہونے لگا۔

برطانوی میڈیا کے مطابق 25 ہزار کی گنجائش والے اولڈ ٹریفرڈ اسٹیڈیم کے لیے پانچ لاکھ سے زائد ٹکٹس خریدنے کی درخواستیں موصول ہوئیں۔

ان ٹکٹوں کی مانگ اب اتنی بڑھ چکی ہے کہ ایک ٹکٹ ڈھائی ہزار پاؤنڈ یعنی تقریباً پانچ لاکھ پاکستانی روپوں میں فروخت ہورہا ہے۔

مزید پڑھیں: پاکستان کے لیے بھارت کو ہرانا ناممکن ہے، سہواگ

پاک بھارت تناؤ کی وجہ سے دونوں ممالک اب کم ہی کرکٹ کے میدان پر آمنے سامنے آتے ہیں۔

اس سے قبل چیمپئنز ٹرافی 2017 کے فائنل میں دونوں ٹیمیں مدمقابل ہوئی تھیں اور گرین شرٹس نے اس میں تاریخی فتح حاصل کی تھی۔

اس میچ کو 50 کروڑ سے زائد افراد نے دیکھا تھا اور اسے نہ صرف کرکٹ بلکہ تمام کھیلوں میں سب سے زیادہ دیکھے جانے والے مقابلوں میں شامل کیا گیا۔

اولڈ ٹریفرڈ میں کھیلے جانے والے میچ کے لیے سیکیورٹی کے سخت اقدامات کیے گئے ہیں۔

متعلقہ خبریں

ٹاپ اسٹوریز