اسلام آباد: مشیر خزانہ عبدالحفیظ شیخ نے کہا ہے کہ ایشیائی ترقیاتی بینک بجٹ سپورٹ کے لیے 3 ارب 40 کروڑ ڈالر کا قرض دے گا۔
عبدالحفیظ شیخ نے سماجی رابطہ کی ویب سائٹ ٹوئٹر پر ڈائریکٹر جنرل (ڈی جی) ایشیائی ترقیاتی بینک ورنر لیپک سے ملاقات کی تفصیلات بتاتے ہوئے کہا کہ ایشیائی بینک آئندہ مالی سال 2 ارب 20 کروڑ ڈالر دے گا جبکہ ایشیائی بینک کا قرض اصلاحات اور معاشی استحکام کے پروگرامز میں استعمال ہو گا۔
ADB to give $3.4 billion in #budgetary support. I had a meeting with Mr. Werner Liepach, DG ADB today to agree on the #ADB program. The ADB will provide $3.4 billion in budgetary support to help with #reforms and stabilization of the #economy.
— Dr. Abdul Hafeez Shaikh (@a_hafeezshaikh) June 15, 2019
مشیر خزانہ نے کہا کہ ایشیائی بینک کے قرض سے زرمبادلہ کے ذخائر اور کرنٹ اکاؤنٹ کی صورتحال بہتر ہو گی۔ ایشیائی ترقیاتی بینک اس کے علاوہ ترقیاتی منصوبوں کے لیے ایک ارب ڈالر ترقیاتی منصوبوں کے لیے بھی دے گا۔
$2.2 billion will be released this fiscal year, starting in the first quarter of FY 2019-20. This will help the reserve position and the #external account.
— Dr. Abdul Hafeez Shaikh (@a_hafeezshaikh) June 15, 2019
عبدالحفیظ شیخ نے کہا کہ ایشیائی ترقیاتی بینک نے پاکستان کو اصلاحات اور استحکام کے لیے امداد فراہم کرنے کے لیے رضا مندی ظاہر کی۔
یہ بھی پڑھیں آئی ایم ایف کے ساتھ بیل آؤٹ پیکج پر معاہدہ طے پاگیا، مشیر خزانہ
گزشتہ ماہ حکومت کا آئی ایم ایف کے ساتھ بھی ایک بیل آؤٹ پیکج پر معاہدہ طے پایا جس کے مطابق آئی ایم ایف نے پاکستان کو 6 ارب ڈالر کا قرض دینے کی حامی بھری ہے جس کی ادائیگی 39 ماہ میں کرنی ہو گی۔
مشیر خزانہ کا کہنا تھا کہ عالمی مالیاتی فنڈ 3 سال میں پاکستان کو 6 ارب ڈالر دے گا۔