اسلام آباد: وزیراعظم کے مشیر برائے سیاسی امور نعیم الحق نے کہا ہے کہ پاکستان کا ٹاس جیت کر پہلے فیلڈنگ کرنے کا فیصلہ درست نہیں تھا۔
اپنے ٹوئٹر پیغام میں ان کا کہنا تھا کہ وزیراعظم عمران خان نے بھی سرفراز احمد کو پہلے بیٹنگ کا مشورہ دیا تھا۔
As PM Imran Khan has pointed out the key key to today’s match between Pakistan and India is mental strength then ourdecision not to bat first was not correct. Because our record in batting second and chasing a total is pretty bad….. and that is where mental strength is tested.
— Naeem ul Haque (@naeemul_haque) June 16, 2019
نعیم الحق نے کہا کہ ہدف کے تعاقب میں پاکستان کا ریکارڈ انتہائی ناقص ہے اور اسی کے دوران اس بات کی آزمائش ہوتی ہے کہ آپ ذہنی طور پر کتنے مضبوط ہیں۔
لائیو کوریج: شرما کی سنچری، بھارت بڑے ہدف کی جانب گامزن
خیال رہے کہ پاکستانی کپتان سرفراز احمد بھارت کے خلاف میچ میں ٹاس جیتنے میں کامیاب رہے تاہم خلاف توقع انہوں نے پہلے فیلڈنگ کا انتخاب کیا۔
کرکٹ ماہرین کا خیال تھا کہ قومی ٹیم کو پہلے بیٹنگ کرتے ہوئے اسکور بورڈ پر بڑا مجموعہ لگاکر بھارت کی مضبوط بیٹنگ کو دباؤ میں لانے کی کوشش کرنی چاہیے تھی۔
دو سال قبل چیمپئنز ٹرافی کے فائنل میں بھی پاکستان نے اسی فارمولے پر عمل کرتے ہوئے حریف ٹیم کو یادگار شکست سے دوچار کیا تھا۔
