جیت سے قبل ہی آفریدی کی بھارتی ٹیم کو مبارک باد


کراچی: پاکستان کرکٹ ٹیم کے سابق کپتان اور مایہ ناز آل راؤنڈر شاہد آفریدی نے پاک بھارت میچ ختم ہونے سے قبل ہی بھارت کو مبارک باد دے دی۔

اپنے ٹوئٹر پیغام میں آفریدی نے بھارتی ٹیم کو مبارک باد دیتے ہوئے کہا کہ وہ جیت کی مستحق ہے۔

انہوں نے کہا کہ جس معیار کی کرکٹ بھارت نے کھیلی وہ قابل دید تھی اور اس کا کریڈٹ انڈین پریمیئر لیگ (آئی پی ایل) کو جاتا ہے۔

ان کا مزید کہنا تھا کہ آئی پی ایل کی وجہ سے نہ صرف ٹیلنٹ سامنے آیا بلکہ اس کو بہتر بنانے اور دباؤ والی صورت حال سے نمٹنے کی تربیت ملی۔

آفریدی کا پیغام جب آیا اس وقت پاکستان کی ٹیم شدید مشکلات کا شکار تھی تاہم میچ ختم نہیں ہوا تھا۔

عموماً کرکٹرز میچ ختم ہونے کے بعد ہی کسی ٹیم کو مبارک باد دیتے ہیں۔


متعلقہ خبریں