انسانی قدموں کے دباؤ سے بجلی پیدا کرنے کا سستا طریقہ


کراچی:بجلی کی لوڈشیڈنگ سے پریشان شہریوں کے لئے خوشخبری آئی ہے، کراچی کے باصلاحیت نوجوانوں نے انسانی قدموں کے دباؤ سے بجلی پیدا کرنے کا سستا طریقہ ایجاد کرلیاہے۔

عوامی مقامات پر لگی خصوصی ٹائلز کے ذریعے پیدا ہونے والی بجلی بیٹری میں محفوظ کی جا سکے گی۔

کراچی کےباصلاحیت نوجوانوں نے ایسا کارنامہ انجام دیاہے کہ انسانی قدموں سےبجلی پیداکرنےکاآسان اورسستاترین طریقہ ایجادکرلیا۔نئے طریقہ کار کی مدد سےشاپنگ سینٹرز،فٹ پاتھ،پارکس اوردیگرپبلک مقامات پرخصوصی ٹائلزاورپینل بچھاکربجلی حاصل کی جاسکتی ہے۔

اقراءیونیورسٹی کی فیکلٹی آف انجینئرنگ سائنس اینڈٹیکنالوجی کےتین طالب علموں نےاس منصوبے کوانرجی ہارویسٹنگ کانام دیاہے۔

اس پراجیکٹ میں شامل غالب ندیم نامی طالب علم نے ہم نیوز سے گفتگو میں بتایا کہ انہوں نے ایسے پینل تیار کیے ہیں جن پر دباؤ کے ذریعے بجلی پیدا کی جاسکتی ہے۔ ان پینلز کو پبلک مقامات پر لگا کر ان سے حاصل ہونے والی بجلی بیٹریوں میں سٹور کی جاسکتی ہے۔

طالب علم کے مطابق دن بھر پیدل چلنے والوں کی وجہ سے بیٹریوں میں سٹورکی بجلی رات کو اسٹریٹ لائٹ میں استعمال کی جاسکتی ہے۔

اقراءیونیورسٹی کی فیکلٹی آف انجینئرنگ سائنس اینڈٹیکنالوجی کے ڈین ڈاکٹرکامران رضا نے ہم نیوز سے گفتگو میں کہا کہ طلبہ نے ’’انرجی ہاریسٹنگ ‘‘کا کامیاب تجربہ کیاہے۔ اگر ان طلبہ کی سرپرستی کی جائے تو کل یہ چیز اپنے شہر ،صوبے اور ملک میں انسٹال کرسکتے ہیں۔

پراجیکٹ ڈائریکٹر ڈاکٹرشیراز نے ہم نیوز سے گفتگو میں کہا کہ ہم طلبہ سے کہتے ہیں کہ وہ ملازمت کے حصول کے لیے پراجیکٹ کرنے کے بجائے ایسی پراڈکٹس کی طرف جائیں تاکہ انہیں ملازمت نہ مل سکے تو وہ اپنی پراڈکٹس کے ذریعے مارکیٹ میں اپنا نام پیدا کریں۔

یہ بھی پڑھیے: قوت گویائی سے محروم افراد کی بات اردو زبان میں سمجھانے والا دستانہ

طلبہ کی طرف سے مکمل کیے گئے اس پراجیکٹ  میں انسانی قدموں کےدباؤسےپیداہونےوالی بجلی کوخصوصی ٹائلزکےذریعے بیٹری میں محفوظ کیاجاسکتاہےجس سےبرقی آلات اسٹریٹ لائٹس وغیرہ روشن کی جاسکتی ہیں۔


متعلقہ خبریں