مانچسٹر: مایہ ناز بولی وڈ اسٹار رنویر سنگھ نے بھارت سے شکست کے بعد اسٹیڈیم میں ایک پاکستانی شائق کو دلاسہ دے کر سوشل میڈیا صارفین کے دل جیت لیے۔
گزشتہ روز پاکستان اور بھارت کے درمیان ورلڈ کپ کے سب سے بڑے مقابلے کا انعقاد ہوا جس میں گرین شرٹس کو ایک مرتبہ پھر ذلت آمیز شکست کا سامنا کرنا پڑا۔
پاکستانی ٹیم کی ورلڈ کپ مقابلوں میں پڑوسی ملک کے ہاتھوں یہ ساتویں شکست تھی۔
Indian fans are nice. Thanks @RanveerOfficial. pic.twitter.com/kxi1DyDAI1
— Aatif Nawaz (@AatifNawaz) June 16, 2019
شکست کے بعد سوشل میڈیا پر پاکستانی ٹیم کے شائقین نے شدید غم و غصے کا اظہار کیا۔
تاہم ان ہی شائقین میں سے ایک نے ٹوئٹر پر اپنی ایک ویڈیو شیئر کی جس میں بولی وڈ اداکار انہیں دلاسہ دے رہے ہیں۔
ویڈیو میں دیکھا جاسکتا ہے کہ عاطف نواز نامی شائق کو رنویر سنگھ گلے لگاکر کہہ رہے ہیں دلبرداشتہ نہ ہوں، اگلی مرتبہ پاکستانی ٹیم کامیاب ہوگی۔
رنویر سنگھ کا کہنا تھا کہ پاکستانی ٹیم اچھا کھیل رہی ہے، مخلص ہے اور وہ ورلڈ کپ میں ضرور واپسی کرے گی۔
ویڈیو کے اختتام پر عاطف نواز رنویر کا شکریہ ادا کرتے ہیں۔
