اسلام آباد: قطر پاکستان میں براہ راست معاشی سرگرمیوں اور جمع شدہ رقم کی صورت میں تین ارب قطری کی سرمایہ کاری کرے گا۔
قطر کی سرکاری خبر رساں ایجنسی نے وزیرخارجہ محمد بن عبدالرحمان کے حوالے سے بتایا ہے کہ اس سرمایہ کاری سے دونوں ممالک کے درمیان معاشی اشتراک کا حجم نو ارب ڈالر تک پہنچ جائے گا۔
Upon the directives of HH the Amir, the Deputy Prime Minister and Minister of Foreign Affairs announces of new investments in the form of deposits and direct investments worth a total of QR3 billion in the Islamic Republic of Pakistan. pic.twitter.com/zmH07cFRew
— Qatar News Agency (@QNAEnglish) June 24, 2019
وزیراعظم عمران خان کے مشیر خزانہ ڈاکٹر حفیظ شیخ نے اس اعلان پر امیر قطر کا شکریہ ادا کیا ہے۔
Want to thank the Emir of Qatar HRH Sheikh Tamim Bin Hamad Al Thani for announcing US $3 Billion in #deposits and direct #investments for #Pakistan and for #Qatar’s affirmation to further develop relations between the two countries.
— Dr. Abdul Hafeez Shaikh (@a_hafeezshaikh) June 24, 2019
حفیظ شیخ نے ایک ٹویٹ میں کہا کہ قطر کی طرف سے دونوں ممالک کے درمیان تعلقات میں مزید بہتری کا عزم دہرانے پر بھی شیخ تمیم بن حمد الثانی کے مشکور ہیں۔
یہ بھی پڑھیں: قطر اور پاکستان کے درمیان تین معاہدوں پر دسخط
سرمایہ کاری کا یہ اعلان امیر قطر کے دورہ پاکستان سے ایک دن بعد کیا گیا ہے۔ امیر قطر شیخ تمیم بن حمد الثانی نے دورہ پاکستان کے دوران تین معاہدے کیے ہیں۔
سیاحت اور تجارت کی ترقی کے لیے تعاون کی مفاہمتی یادداشت جبکہ منی لانڈرنگ اور دہشت گردی کی مالی معاونت کے انسداد، خفیہ معلومات کے تبادلے کی یاد داشت پر بھی دستخط کیے گئے۔
تحریک انصاف کو حکومت میں آنے کے بعد شدید مالی مشکلات کا سامنا کرنا پڑا اور ایسی صورتحال میں پاکستان کی دوست ممالک نے مدد کی۔
اس سے قبل سعودی عرب، چین اور متحدہ عرب امارات نے بھی پاکستان کے لیے بیل آؤٹ پیکجز کا اعلان کیا ہے۔
