ریاض: امریکہ نے آبنائے ہرمز میں میری ٹائم سیکیورٹی بڑھانے کی ضرورت پر زور دیا ہے۔ یہ بات امریکہ کے سیکریٹری خارجہ مائک پومپیو نے سعودی عرب میں خادم الحرمین الشریفین شاہ سلمان بن عبدالعزیزسے ملاقات کے بعد سماجی رابطے کی ویب سائٹ پر جاری کردہ ایک پیغام میں کہی ہے۔
عالمی خبررساں ایجنسی کے مطابق شاہ سلمان سے ہونے والی ملاقات میں امریکی سیکریٹری خارجہ نے خطے میں بڑھتی کشیدگی، امریکی ڈرون طیارے کی تباہی کے نتیجے میں پیدا ہونے والے تناؤ اور خلیج میں بحری جہازوں کی سیکیورٹی سمیت دیگر متعلقہ امور پر تبادلہ خیال کیا گیا۔
Productive meeting with King Salman bin Abdulaziz Al Saud today to discuss heightened tensions in the region and the need to promote maritime security in the Strait of Hormuz. Freedom of navigation is paramount. pic.twitter.com/efuZq5EOpK
— Secretary Pompeo (@SecPompeo) June 24, 2019
خلیج اومان میں آبنائے ہرمز کے قریب دو آئل ٹینکروں پر حملے کیے گئے تھے جن کا الزام امریکہ نے ایران پر عائد کیا ہے۔ امریکہ کی جانب سے لگائے جانے والے الزام کی تائید سعودی عرب اور برطانیہ نے بھی کی لیکن ایران نے اس سے صریحاً انکار کیا ہے۔
صدر ٹرمپ کی آبنائے ہرمز کی حفاظت سے دستبردار ہونے کی دھمکی
امریکہ کے سیکریٹری خارجہ مائک پومپیو نے واشنگٹن سے روانگی سے قبل ذرائع ابلاغ سے بات چیت میں کہا تھا کہ امریکہ، ایران کے ساتھ بات چیت کا خواہاں ہے۔ ان کا کہنا تھا کہ ہم سعودی عرب اور متحدہ عرب امارات کے ساتھ تزویراتی طور پر ایک صف میں کھڑے ہونے اور مختلف امور پر مشترکہ مؤقف اختیار سے متعلق بات چیت کریں گے۔ ان کا کہنا تھا کہ ہم ایک عالمی اتحاد کی تشکیل کے حوالے سے بھی گفتگو کریں گے۔
عالمی خبررساں ادارے کے مطابق امریکہ کے سیکریٹری خارجہ اپنے دورے کے دوسرے مرحلے میں ابوظہبی پہنچے ہیں جہاں ولی عہد شیخ محمد بن زاید آل نہیان سے خلیج میں سلامتی کی صورتحال اور ایران کے امور پرتبادلہ خیال کیا گیا ہے۔
Great discussion today with H.H. Sheikh Mohammed bin Zayed Al Nahyan in Abu Dhabi on the need to promote freedom of navigation in the Strait of Hormuz and to work together to counter #Iran’s malign activity. pic.twitter.com/Vhgq7lMIEr
— Secretary Pompeo (@SecPompeo) June 24, 2019
متحدہ عرب امارات میں امریکی مشن نے سماجی رابطے کی ویب سائٹ ’ٹوئٹر‘ پر جاری کردہ اپنے ایک پیغام میں کہا تھا کہ امریکی سیکریٹری خارجہ ابو ظبی کے دورے کے موقع میں دنیا میں دہشت گردی کی سرپرستی کرنے والے ملک سے نمٹنے کے لیے ایک عالمی اتحاد تشکیل دینے کے امور پر بات چیت کریں گے۔
Chargé d’Affaires Steve Bondy welcomes @SecPompeo to the #UAE to speak with our close Emirati allies about building a global coalition to counter the world’s largest state sponsor of terror.@StateDept#USAinUSA pic.twitter.com/SKLWJrSnih
— US Mission to UAE (@USAinUAE) June 24, 2019
امریکہ کے محکمہ خارجہ کے ایک افسر کا کہنا تھا کہ امریکہ اپنے اتحادیوں کے ساتھ مل کر ایک اتحاد تشکیل دے رہا ہے تا کہ خلیج میں جہاز رانی کے لیے آبی گذرگاہوں کے تحفظ کو یقینی بنایا جا سکے۔