پاکستان سمیت ایشیاء پیسیفک گروپ کے 55 ممالک نے دو سال کے عرصے کے لئے متفقہ طور پر بھارت کی اقوام متحدہ میں سیکیورٹی کونسل کی غیر مستقل نشست کی حمایت کی ہے۔
اقوام متحدہ میں تعینات بھارت کے مستقل نمائندے سید اکبر الدین نے اپنی ٹوئٹ میں تمام ممالک سے اس ضمن میں حمایت کرنے پر شکریہ ادا کیا۔
A unanimous step.
Asia-Pacific Group @UN unanimously endorses India’s candidature for a non-permanent seat of the Security Council for 2 year term in 2021/22.
Thanks to all 55 members for their support. ?? pic.twitter.com/ekNhEa19U1
— Syed Akbaruddin (@AkbaruddinIndia) June 26, 2019
افغانستان، بنگلہ دیش، بھوٹان، چین، انڈونیشیا، ایران، جاپان، کویت، کرغستان، ملائشیا، مالدیپ، میانمار، نیپال، پاکستان، قطر، سعودی عرب، سری لنکا، شام، ترکی، متحدہ عرب امارات اور ویت نام وہ ممالک ہیں جنہوں نے بھارت کی حمایت کی ہے۔
آئندہ سال جون میں 2021-22 کی مدت کے لئے سیکیورٹی کونسل کے پانچ غیر مستقل اراکین کے چناؤ کے لئے الیکشن کا انعقاد ہوگا۔
یاد رہے کہ اس سے قبل بھی بھارت سات مرتبہ یو این ایس سی کا غیر مستقل ممبر رہ چکا ہے۔
دوسری جانب بھارت سیکورٹی کونسل میں اصلاحات کے لئے زور دے رہا ہے، جس کا مقصد اس کی مستقل رکنیت حاصل کرنا ہے۔