بھارت کیخلاف فتح، مورگن کی نظریں عالمی کپ جیتنے پر مرکوز

بھارت کیخلاف فتح ، مورگن کی نظریں عالمی کپ جیتنے پر مرکوز

فائل فوٹو


انگلینڈ کے کپتان اوئن مورگن نے کہا ہے کہ جس طرح ہم نے بھارت کے خلاف اچھی کارکردگی کا مظاہرہ کیا ہے اگر اسے جاری رکھیں تو عالمی کپ جیت سکتے ہیں۔

بھارت کے خلاف میچ کے بعد پریس کانفرنس کرتے ہوئے انہوں نے کہا کہ انڈیا سے جیت پر میں بہت خوش ہوں، جس طرح تمام کھلاڑیوں نے یکجا ہو کر اچھی کارکردگی دکھائی ہے اس سے ٹیم میں نیا جذبہ آ گیا ہے۔

مورگن نے اس بات کا اعتراف کیا کہ جیسن رؤے کی واپسی سے ٹیم مزید مضبوط ہوئی ہے۔

انہوں نے کہا کہ روئے ایک جارح مزاج بلے باز ہیں جو ٹیم کو بہت اچھا آغاز فراہم کرتے ہیں، ان کی واپسی سے ٹیم کے اعتماد میں اضافہ ہوا ہے۔

سری لنکا اور آسٹریلیا کے خلاف یکے بعد دیگرے شکست کے بعد انگلینڈ کی بھارت سے جیت نے انہیں دوبارہ عالمی کپ کی سیمی فائنلز تک رسائی کی دوڑ میں شامل کر لیا ہے۔

انگلینڈ نے بھارت کو جانی بیئرسٹو کی عمدہ سنچری کی بدولت 31 رنز سے شکست دی تھی۔

 

 

 


متعلقہ خبریں