رانا ثناءاللہ کی گرفتاری کے بعد پہلی تصویر منظر عام پر آ گئی

‘میری جیل کی نیند عمران خان کی وزیراعظم ہاؤس کی نیند سے بہتر ہے’

لاہور: پاکستان مسلم لیگ نواز کے رہنما اور سابق وزیر قانون پنجاب رانا ثناءاللہ کی گرفتاری کے بعد پہلی تصویر منظر عام پر آ گئی۔

ہم نیوز کے مطابق تصویر میں رانا ثنا اللہ کو لاک اپ میں دیکھا جاسکتا ہے۔

تصویر سوشل میڈیا پر کچھ غیر معروف اکاؤنٹس پر اپلوڈ کی گئی تاہم یہ واضح نہیں کہ یہ جیل کی ہے یا اے این ایف کے لاکر کی۔

مزید پڑھیں: تین ہفتے تک رانا ثنا اللہ اور انکی گاڑی کی نگرانی کی گئی ، شہریار آفریدی

یکم جولائی کو رانا ثناءاللہ کو اے این ایف نے گرفتار کرنے کے بعد مقدمہ درج کر لیا تھا۔

اگلے روز رانا ثناءاللہ کو لاہور کی مقامی عدالت میں پیش کیا گیا جہاں ان کا 14 روزہ جسمانی ریمانڈ منظور کرلیا گیا۔

آج پریس کانفرنس کرتے ہوئے وزیرمملکت برائے انسداد منشیات شہر یارخان  آفریدی نے انکشاف کیا کہ تین ہفتے تک رانا ثنا اللہ اور ان کی گاڑی کی نگرانی کی گئی۔

شہریار آفریدی کا کہنا تھا کہ رانا ثناءاللہ کے خلاف ثبوت موجود ہیں جنہیں عدالت میں پیش کیا جائے گا۔


متعلقہ خبریں