فریاب: افغانستان کے صوبے فریاب میں مارٹل شیل کے حملے سے چار عام شہری ہلاک اور 36 زخمی ہوگئے ہیں۔
افغانستان کی سرکاری خبر رساں ایجنسی نے مقامی پولیس کا حوالہ دیتے ہوئے بتایا کہ صوبہ فریاب کے ضلع سب پوش میں طالبان کی طرف سے فائر کیا گیا مارٹل شیل شہری آبادی میں گرا ہے۔
پولیس کے ترجمان عبد الکریم یورش کا اپنے ابتدائی بیان میں کہنا تھا کہ متاثرین میں بچے بھی شامل ہیں۔
ایک اور اطلاع کے مطابق مارٹل شیل بازار میں گرا جس سے 40 افراد ہلاک اور زخمی ہوئے ہیں۔
Breaking : More than 40 civilians were killed and wounded when mortar shell hit a bazzar in #Faryab province. #Afghanistan
— Pajhwok Afghan News (@pajhwok) July 5, 2019
حملے کے بعد امدادی ٹیمیں اور سیکیورٹی فورسز جائے وقوعہ پر پہنچ چکی ہیں اور زخمیوں کو نزدیکی اسپتال منتقل کردیا گیا ہے۔
یہ بھی پڑھیں:کابل دھماکہ: 50 بچوں سمیت 65 افراد زخمی
فریاب میں آج صبح ہونے والے حملے کی ذمہ داری پولیس نے طالبان پر ڈالی ہے لیکن طالبان سمیت کسی بھی جنگجو تنظیم نے فی الحال اس بارے میں کوئی بیان نہیں دیا۔