پاکستان بمقابلہ بنگلہ دیش:کس کا پلڑا بھاری؟

پاکستان کرکٹ ٹیم ورلڈکپ میں آج اپنا آخری میچ بنگلہ دیش کے خلاف کھیل رہی ہے۔قومی ٹیم کی سیمی فائنل تک رسائی تقریبا ناممکن ہو چکی ہے۔۔تاہم ٹیم مینیجمنٹ ورلڈکپ کا اختتام جیت کے ساتھ کرنے کی خواہاں ہے۔

پاکستان اوربنگلہ دیش کے درمیان اب تک کتنے میچز کھیلے گئے اورکس کا پلڑا بھاری ہے ؟ یہ جاننے کے لیے دونوں ٹیموں کے درمیان کھیلے گئے میچز پر نظر ڈالی جائے تو واضح ہوجاتاہے۔

پاکستان اور بنگلہ دیش کی کرکٹ ٹیمیں ون ڈے انٹرنیشنلز میں 36 بار  مدمقابل آئیں جس میں سے پاکستان نے31 بار بنگلہ دیش کو زیر کیاجبکہ بنگال ٹائیگرز صرف5 مرتبہ ہی جیتنے میں کامیاب ہوئے

عالمی کپ میں دونوں ٹیموں کا صر ف ایک بار ہی آمنا سامنا ہوا، دلچسپ بات یہ ہے کہ اس میچ میں پاکستانی ٹیم کو بنگلہ دیش کے ہاتھوں شکست سے دوچار ہونا پڑا،نارتھم ٹن میں کھیلے گئے میچ میں سپراسٹارز پر مشتمل پاکستانی ٹیم کو62 رنز سے شکست ہوئی تھی۔

بنگلہ دیش کے خلاف پاکستان کا پلڑا بھاری نظر آتا ہےلیکن ورلڈکپ2015 کے بعد سے پاکستان بنگال ٹائیگرزکو ہرانے میں ناکام رہا ہے، اس دوران کھیلے گئے چار میچوں میں بنگلہ دیش فاتح رہا ہے۔

یہ بھی پڑھیے: پاکستان بمقابلہ بنگلہ دیش: معجزے کیلیے بھی ٹاس جیتنا ہوگا

بنگلہ دیش کی حالیہ کارکردگی خاصی اچھی رہی ہے گو کہ وہ سیمی فائنل میں جگہ نہیں بنا سکتا لیکن وہ پاکستان کو ٹف ٹائم دینے کی پوری صلاحیت رکھتا ہے۔

متعلقہ خبریں

ٹاپ اسٹوریز