لندن: پاکستان کرکٹ ٹیم کے نوجوان فاسٹ بولر شاہین شاہ آفریدی نے بنگلہ دیش کے خلاف میچ میں چھ وکٹیں حاصل کرکے کئی ریکارڈز اپنے نام کرلیے۔
نوجوان گیند باز ورلڈ کپ میں پانچ یا اس سے زائد وکٹیں لینے والے کم عمر ترین بولر بن گئے۔
Shaheen Afridi appreciation post ?
? 16 wickets at #CWC19
? Youngest to take a five-for at a World Cup
? Most wickets by a teenager in World Cups
? Best figures by a Pakistan bowler at a World Cup pic.twitter.com/8OUJIdsjtY— Cricket World Cup (@cricketworldcup) July 5, 2019
شاہین آفریدی نے ورلڈ کپ میں 16 وکٹیں حاصل کیں جو کہ کسی بھی نوعمر (teenager) کی جانب سے ورلڈ کپ مقابلوں میں سب سے زیادہ وکٹیں ہیں۔
اس کے علاوہ شاہین آفریدی نے اپنی چھ وکٹیں 35 رنز کے عوض حاصل کیں۔ یہ کسی بھی پاکستانی گیند باز کے ورلڈ کپ میچز میں بہترین فیگرز ہیں۔
شاہین کی شاندار بولنگ کی بدولت پاکستان نے بنگلہ دیش کو 94 رنز کے بھاری مارجن سے شکست دی تاہم گرین شرٹس کا سیمی فائنل کھیلنے کا خواب پورا نہ ہوسکا۔
نیوزی لینڈ نے سیمی فائنل مرحلے کے لیے کوالیفائی کرلیا ہے جس کے بھی گیارہ ہی پوائنٹس ہیں تاہم بہتر رن ریٹ کی بنیاد پر کیویز اگلے مرحلے میں پہنچے۔
