لاہور: ترجمان وزیراعلیٰ پنجاب شہباز گل نے کہا ہے کہ وزیراعظم عمران خان سے کوئی این آر او نہ ملنے پر ن لیگ اوچھے ہتھکنڈوں پر اتر آئی ہے۔
مریم نواز کی پریس کانفرنس کے ردعمل میں انہوں نے اپنے بیان میں کہا کہ کیلبری کوئن جتنا بھی جھوٹ بول لیں قوم کی لوٹی ہوئی دولت واپس کرنا ہو گی۔
مریم صفدر نے پاکستان کی عدالتی نظام پر انگلی اٹھائی .اس طرح جو انکو ضمانت ملی اور انکے والد کو 6ہفتے کا ریلیف ملا وہ بھی مشکوک ہو گیا. آج ایک جذباتی بچی نے لگژری اشیاء واپس لیے جانےاور ایک عام آدمی کی طرح ٹریٹ کیے جانے پر بہکی بہکی باتیں کی. 1/2 pic.twitter.com/g740Cl7hrn
— Dr. Shahbaz GiLL (@SHABAZGIL) July 6, 2019
انہوں نے کہا کہ مریم نواز اپنے اشتہاری بھائیوں کو بھی بے گناہ ثابت کرتی رہیں جبکہ وہ قانون کی نظر میں بھگوڑے ہیں۔
شہباز گل نے کہا کہ مریم نواز نے شہباز شریف سے ن لیگ کی صدارت اُچک لی ہے اس وجہ سے وہ پریشان بیٹھے تھے۔
انہوں نے کہا کہ ڈراؤنے خواب کسی اور کو نہیں بلکہ بیگم صفدر اور بھگوڑے بھائیوں کو آ رہے ہیں۔
کیلبری کوئین جذباتی تقریر کرکے ڈرامہ کیا جس کا حقیقت سے کوئی تعلق نہیں.2/2 pic.twitter.com/SrkxUJlEmz
— Dr. Shahbaz GiLL (@SHABAZGIL) July 6, 2019
ان کا کہنا تھا کہ احتساب کے ڈر اور لُوٹی ہوئی دولت کو بچانے کیلئے مریم صفدر ہر حربہ استعمال کر رہی ہیں۔
ترجمان وزیراعلیٰ پنجاب نے کہا کہ عوام جانتے ہیں کہ جسٹس قیوم ملک کو فون کس نے کیا تھا، مریم کی سیاسی تربیت آج کھل کر سامنے آگئی ہیں، عدالتیں خلاف فیصلہ دیں تو انکی کردار کشی شروع کر دیتے ہیں، انہی لوگوں نے چند ماہ پہلے چئیرمین نیب پر بھی کیچڑ اچھالا تھا۔