فلم’ سپر اسٹار’ کا ٹریلر آج ریلیز ہو گا

July 15, 2019
ویب ڈیسک
فلم سپر اسٹار کی دبئی میں پروموشن

مومنہ اینڈ دُرید پروڈکشنز اور ہم فلمز کی جانب سے اس سال کی سب سے بڑی فلم ’سپر اسٹار‘ کا ٹریلر آج ریلیز ہوگا۔

اس بات کا اعلان سماجی رابطے کی ویب سائٹ ٹوئٹر پر فلم کے مرکزی کردار بلال اشرف اور شہروز سبزواری نے بھی کیا ہے۔

تاحال منظرعام پر آنے والی معلومات کے مطابق ’سپراسٹار‘ میں بلال اشرف اور ماہرہ خان مرکزی کردار ادا کر رہے ہیں۔

یہ بھی پڑھیں فلم ’سپر اسٹار‘ کے پہلے گانے کی سوشل میڈیا پر دھوم

احتشام الدین کی ہدایت کاری میں بننے والی اس فلم کا اسکرین پلے اور موسیقی اذان سمیع خان نے تیار کیے جب کہ ڈائیلاگ علی اور مصطفیٰ آفریدی کے تحریرکردہ ہیں۔

سپر اسٹار میں اداکارہ ہانیہ عامر، سائرہ شہروز، عثمان خالد بٹ اور مانی کی اسپیشل اپیئرنس بھی شامل ہے جبکہ اداکارہ کبریٰ خان کا ایک اسپیشل ڈانس نمبر بھی فلم کا حصہ ہے۔

ندیم بیگ، جاوید شیخ، مرینہ خان، عاصمہ عباس، سیف حسن، علیزے شاہ، علی کاظمی اور وقارجیسے نامور فنکار بھی اس فلم میں اداکاری کے جوہر دکھائیں  گے۔

’سپر اسٹار‘ کا پوسٹر جون کے پہلے ہفتے میں جاری کیا گیا تھا جبکہ پہلا گانا’ بے کراں’ جولائی میں ریلیز کیا گیا۔

‘بے کراں’ کو ماہرہ خان اور بلال اشرف پر فلمایا گیا جبکہ اس کے بول شکیل سہیل نے تحریر کیے ہیں۔ دونوں کی اداکاری نے علی سیٹھی اور زیب بنگش کی گائیگی کو چار چاند لگا دیے ہیں اور لازوال اداکاری کے جوہر دکھانے پر انہیں پاکستان فلم انڈسٹری کی بہترین جوڑی قرار دیا جا رہا ہے۔

پہلے گانے نے ریلیز ہوتے ہی سوشل میڈیا پر دھوم مچا دی تھی اور سماجی رابطے کی ویب سائٹ ٹوئٹر پر شیئر ہوتے ہی  اس کا ہیش ٹیگ ٹاپ ٹرینڈ بن گیا۔

مومنہ اینڈ دُرید پروڈکشنز کی یہ پیشکش ہم فلمز کے بینر تلے اس سال عید الاضحیٰ کے موقع پر ریلیز کی جائے گی۔


ٹیگز :
متعلقہ خبریں
نورا فتیحی noora fatehi

نورا فتیحی کا نماز کی ادائیگی سے متعلق حیران کن انکشاف
salman khan

سلمان خان کی رہائش گاہ پر فائرنگ کیلئے 4لاکھ کی ڈیل تھی، ملزمان کا انکشاف
ابرار الحق abrar ul haq

ابرار الحق نے دوسری شادی کے خیال پر اپنی اہلیہ کا ردِعمل بتا دیا