امریکی صدر ڈونلڈ ٹرمپ نے کہا ہے کہ انتظامیہ گوگل کے خلاف غداری کے الزامات کا جائزہ لے گی۔
اپنے ایک ٹویٹ میں ان کا کہنا تھا کہ ٹیکنالوجی میں سرمایہ کاری کرنے والے کھرب پتی امریکی پیٹر تھیل کا خیال ہے کہ گوگل کے خلاف غداری کی تحقیقات ہونی چاہئیں۔
امریکی صدر نے کہا کہ پیٹر تھیل نے گوگل پر چینی حکومت کے ساتھ کام کرنے کا الزام عائد کیا ہے، وہ ایک عظیم اور شاندار انسان ہے جو اس موضوع پر کسی بھی شخص سے بہتر گرفت رکھتا ہے۔
ٹویٹ کے آخر میں انہوں نے اعلان کیا کہ امریکی انتظامیہ اس سارے معاملے کا جائزہ لے گی۔
“Billionaire Tech Investor Peter Thiel believes Google should be investigated for treason. He accuses Google of working with the Chinese Government.” @foxandfriends A great and brilliant guy who knows this subject better than anyone! The Trump Administration will take a look!
— Donald J. Trump (@realDonaldTrump) July 16, 2019
یاد رہے کہ گزشتہ برس بھی امریکی صدر نے گوگل پر شدید تنقید کی تھی اور کہا تھا کہ اس کے نیوز سرچ میں دھاندلی کے ذریعے ڈونلڈ ٹرمپ کے خلاف خبریں پیش کی جا رہی ہیں۔