اسلام آباد: احتساب عدالت کے سابق جج محمد ارشد ملک کے ویڈیو اسکینڈل میں ملوث میاں طارق کو گرفتار کرکے سول جج شائستہ کنڈی کی عدالت میں پیش کردیا گیا ہے۔
ہم نیوز کے مطابق ملزم کو بکتر بند گاڑی میں انتہائی سخت سیکورٹی میں لایا گیا ہے۔
اچھا ہوا مگر اس ویڈیو کو جج کو دکھا کر بلیک میل کرنے اور نواز شریف کو بےگناہ ہوتے ہوئے بھی زبردستی سزا دلوانے والوں کو بھی پکڑا جائے گا؟ https://t.co/JbCDKRXLAe
— Maryam Nawaz Sharif (@MaryamNSharif) July 17, 2019
کچھ روز قبل معاملے پر ارشد ملک نے بیان حلفی جاری کیا تھا جس کے مطابق میاں طارق وہ شخص ہے جس نے انہیں ان کی 16 سال پرانی جوڑ توڑ کر بنائی گئی غیر اخلاقی ویڈیو دکھائی۔
جج ارشد ملک کے مطابق میاں طارق سے ان کا رابطہ برسوں پہلے ان کی ملتان میں تعیناتی کے دوران ہوا تھا۔
حسین نواز کی تصویر لیک کرنے والوں کے خلاف بھی کاروائی ہو گی؟ https://t.co/rBq3stJazL
— Maryam Nawaz Sharif (@MaryamNSharif) July 17, 2019
دوسری جانب مسلم لیگ نواز کی نائب صدر مریم نواز نے اپنے ٹوئٹر پیغام میں کہا ہے کہ اچھا ہوا مگر یہ ویڈیو جج کو دکھا کر بلیک میل کرنے والوں کو بھی پکڑا جائے گا؟
انہوں نے کہا کہ کیا نواز شریف کو بےگناہ ہوتے ہوئے بھی زبردستی سزا دلوانے والوں کو بھی پکڑا جائے گا؟
مریم نواز نے کہا کہ حسین نواز کی تصویر لیک کرنے والوں کے خلاف بھی کاروائی ہو گی؟