سپر اسٹار کا دوسرا گانا آج ریلیز ہو گا

سال کی سب سے بڑی فلم ’سپر اسٹار‘ کا دوسرا گانا ’ان دنوں‘ آج ریلیز کیا جائے گا۔

عاطف اسلم کی آواز میں ریکارڈ ہونے والے اس گانے کو فلم انڈسٹری کے مایہ ناز اداکاروں ماہرہ خان اور بلال اشرف پر فلمایا گیا ہے۔

ہم فلمز اور مومنہ اینڈ درید فلمز کے بینر تلے بننے والی فلم سپر اسٹار کے گانے ’ان دنوں‘ کے بول شکیل سہیل نے تحریر کیے ہیں۔ جبکہ اس کی موسیقی آذان سمیع خان اور سعد سلطان نے دی ہے۔

سپر اسٹار کے ہدایتکار احتشام الدین ہیں اور یہ فلم علی اور مصطفٰی آفریدی کی تحریر ہے۔ فلم کی مرکزی کاسٹ ماہرہ خان اور بلال اشرف پر مشتمل ہے جبکہ دیگر ستاروں میں ندیم بیگ، جاوید شیخ، مرینہ خان، عاصمہ عباس، سیفی حسن اور مانی کے نام شامل ہیں۔

سال کی سب سے بڑی فلم کے پہلے گانے ’بے کراں‘ نے ریلیز ہوتے ہی شائقین کو اپنے سحر میں جکڑ لیا تھا۔ اس گانے میں ماہرہ خان اور بلال اشرف کو پریمی جوڑے کے طور پر دکھایا گیا تھا۔

ماہرہ اور بلال کی جوڑی کو دیکھنے والوں نے فلم انڈسٹری کی بہترین جوڑی قرار دیا تھا۔

مومنہ اینڈ درید فلمز اور ہم فلمز کے بینر تلے بننے والی ’سپر اسٹار‘ کو ناظرین عید الاضحیٰ پر سینما گھروں میں دیکھ سکیں گے۔

متعلقہ خبریں

ٹاپ اسٹوریز