پاکستان مسلم لیگ ن کی نائب صدر اور سابق وزیراعظم نواز شریف کی صاحبزدای مریم نواز نےسماجی رابطے کی ویب سائٹ پر وزیراعظم عمران خان کے دورۂ امریکہ پر انہیں شدید تنقید کا نشانہ بنایاہے جبکہ اس کے جواب میں وزیر اعظم کی معاون خصوصی ڈاکٹر فردوس عاشق اعوان نے بھی جوابی وار کردیاہے۔
مریم نواز نے سماجی رابطے کی ویب سائٹ ٹوئٹر پر لکھا کہ ’’ سیلیکٹڈ بھی امریکہ کے وفد میں شامل ہے نا ؟ عوام کا وزیر اعظم ہوتا تو وفد کا سربراہ بن کے وفد کو لیڈ کرتا! جینا ذلت سے ہو تو مرنا اچھا ! ایسے اقتدار سے قید اچھی!۔‘‘
سیلیکٹڈ بھی امریکہ کے وفد میں شامل ہے نا ؟
عوام کا وزیر اعظم ہوتا تو وفد کا سربراہ بن کے وفد کو لیڈ کرتا!
جینا ذلت سے ہو تو مرنا اچھا ! ایسے اقتدار سے قید اچھی!— Maryam Nawaz Sharif (@MaryamNSharif) July 20, 2019
بیگم صفدر اعوان صاحبہ !عمران خان کے بغض میں حقائق کو مسخ نہ کریں۔جنرل کیانی نے یوسف رضا گیلانی کے ساتھ امریکہ کا دورہ کیا۔ جنرل راحیل سعودیہ کے دورے میں آپ کے والد کے ساتھ تھے۔اسی طرح جنرل قمر باجوہ اور شاہد خاقان نے بھی سعودی عرب کا دورہ کیا۔ کیا یہ تین وزراء اعظم سیلیکٹڈ تھے؟ https://t.co/xswr2ImwAb
— Firdous Ashiq Awan (@Dr_FirdousPTI) July 20, 2019
واضح رہے کہ وزیراعظم عمران خان آج تین روزہ دورہ امریکہ پر واشنگٹن روانہ ہو گئے ہیں جہاں 22 جولائی کو وہ امریکی صدر ڈونلڈ ٹرمپ سے ملاقات کریں گے۔2018 میں انتخابات جیتنے کے بعد وزیراعظم کا امریکہ کا یہ پہلا سرکاری دورہ ہے، پاک فوج کے سربراہ بھی ان کے ساتھ روانہ ہوئے ہیں۔
اس کے علاوہ مشیر تجارت عبدالرزاق داؤد اور معاون خصوصی برائے سمندر پار پاکستانی امور زلفی بخاری ان کے ہمراہ ہیں جبکہ وزیرخارجہ شاہ محمود قریشی پہلے ہی امریکہ میں موجود ہیں۔
عمران خان اپنے تین روزہ دورہ میں امریکی میڈیا کو انٹرویوز دیں گے جبکہ واشنگٹن میں موجود پاکستانیوں کے بڑے اجتماع سے بھی خطاب کریں گے، اس کے ساتھ ساتھ اسپیکر نینسی پلوسی کے ساتھ ان کی ملاقات شیڈول کا حصہ ہے۔