مون سون بارشوں کا نیا سلسلہ آج سے شروع ہو گا


اسلام آباد: محکمہ موسمیات کے مطابق ملک بھر میں مون سون بارشوں کا نیا سلسلہ آج سے شروع ہو گا جبکہ کئی علاقوں میں موسم گرم اور مرطوب رہیگا۔

محکمہ موسمیات کا کہنا ہے کہ آئندہ 24 گھنٹوں کے دوران ژوب، قلات، سبی، ڈی جی خان، بہاولپور، میرپورخاص ڈویژن میں کہیں کہیں بارش کا امکان ہے۔

اسی طرح ہزارہ، کوہاٹ، پشاور، بنوں، ڈی آئی خان، راولپنڈی، لاہور، گوجرانوالہ، فیصل آباد، ساہیوال، ملتان، حیدرآباد، لاڑکانہ، سکھر ڈویژن، اسلام آباد اور کشمیر میں چند مقامات پر تیز ہواوٗں /آندھی اور گرج چمک کے ساتھ  موسلا دھار بارش کی پیش گوئی کی گئی ہے۔

گزشتہ 24 گھنٹوں کے دوران ملک کے بیشتر علاقوں میں موسم گرم اور مرطوب رہا تاہم لاہور، ژوب، قلات اور حیدر آباد ڈویژن میں چند مقامات پر  تیز ہواوٗں/آندھی اور گرج چمک کے ساتھ بارش ہوئی

سب سے زیادہ بارش لاہور(سٹی 18)، ژوب 04، خضدار 03، بارکھان 01، مٹھی 02  ملی میٹر بارش ریکاڑ کی گئی۔

متعلقہ خبریں

ٹاپ اسٹوریز