پاک-سری لنکا ٹیسٹ، سیکیورٹی وفد اگست میں پاکستان کا دورہ کرے گا


لاہور: پاکستان اور سری لنکا کے درمیان ٹیسٹ سیریز کے حوالے سے سیکیورٹی وفد اگست میں پاکستان کا دورہ کرے گا۔

پاکستان کرکٹ بورڈ (پی س بی) کے مطابق سری لنکن بورڈ نے پی سی بی کو سیکورٹی وفد بھجوانے کی یقین دہانی کرادی ہے۔

پی سی بی حکام کا کہنا ہے کہ وفد کی پاکستان آمد کے بارے میں حتمی تاریخوں کا اعلان جلد کردیا جائے گا۔

دونوں ممالک کے درمیان ٹیسٹ سیریز اکتوبر میں طے ہے۔

خیال رہے کہ کچھ عرصہ قبل یہ خبر منظر عام پر آئی تھی کہ سری لنکن کرکٹ حکام نے پاکستان میں ٹیم بھیجنے پر رضامندی کا اظہار کردیا ہے۔

دونوں ٹیموں کے درمیان آخری مرتبہ 2009 میں لاہور میں ٹیسٹ کھیلا گیا تھا تاہم دہشت گردی کے حملے کے باعث یہ میچ منسوخ کردیا گیا تھا۔

حملے کے نتیجے میں متعدد سری لنکن کھلاڑی زخمی ہوگئے تھے جبکہ اس کے بعد سے پاکستان میں کوئی بھی ٹیم ٹیسٹ میچ کھیلنے نہیں آئی۔

 


متعلقہ خبریں