مومنہ اور درید پروڈکشنز اور ہم فلمز کی شراکت سے بننے والی فلم سپر اسٹار کی ہیروئن ماہرہ خان نے اپنے مداحوں کو چیلنج دیا کہ کیا کوئی نوری کی طرح ڈانس کر سکتا ہے؟
فلم سپر اسٹار کا مذکورہ گانا ماہرہ خان پر فلمایا گیا ہے البتہ ہیرو کی جگہ ان کے ساتھ اداکار عثمان خالد بٹ بھی رقص کرتے نظر آرہے ہیں۔
عیدالاضحی پر ریلیز ہونے والی فلم کے اس گانے کو بالی ووڈ کے مشہور گائیک سنید ھی چوہان اور جبار عباس نے گایا ہے۔
سپر اسٹار فلم کے ٹوئٹر اکاونٹ پر شائقین کو چیلنج دیا گیا ہے کہ اگر آپ نوری کی طرح ڈانس کر سکتے ہیں تو وہ اپنی ویڈیو بنا کر ہیش ٹیگ#DanceLikeNoori کے ساتھ شیئر کریں اور مقابلے میں حصہ لیں۔
Noori Challenge | How many of you can dance like #Noori ? Share your videos by using #DanceLikeNoori & win the contest! #SuperstarFilm by Momina & Duraid Productions, releasing this Eid-ul-Azha worldwide.#HUMFilms #SunidhiChauhan #JabarAbbas #MnDFilms #MahiraKhan #BilalAshraf pic.twitter.com/KFAUOcMSE4
— Superstar Movie Official (@SSthemovie_) July 23, 2019
حال ہی میں ریلیز ہونے والا فلم کا یہ گانا کہانی کے مرکزی کردار نوری پر فلمایا گیا جس کے بول ہیں’ ہائے نوری تو بچ کے دل لگا’۔ گانے سے متعلق سوشل میڈیا صارفین کی جانب سے مثبت رد عمل دیکھنے میں سامنے آ رہا ہے۔
#Noori is a good song but not something I’ll be listening to 24/7. What really stole the show were Mahira’s moves. She hasn’t danced like that ever. Felt like watching a young Madhuri Dixit. Also, can we talk about that orange dress cause oof! #mahirakhan #bilalashraf #superstar
— Hiba Salman (@HibaSalman19) July 21, 2019
فلم سپر اسٹار کے اب تک تین گانے ریلیز ہو چکے ہیں اور سوشل میڈیا پر سب کو پذیرائی مل رہی ہے۔
اس سے قبل سال کی سب سے بڑی فلم کے پہلے گانے ’بے کراں‘ نے ریلیز ہوتے ہی شائقین کو اپنے سحر میں جکڑ لیا تھا جبکہ ماہرہ اور بلال کو دیکھنے والوں نے فلم انڈسٹری کی بہترین جوڑی قرار دیا ہے۔
فلم سپر اسٹار کے دوسرے گانے ’ان دنوں‘ نے بھی ریلیز ہوتے ہی ہر طرف دھوم مچا دی تھی۔
عاطف اسلم کی آواز میں ریکارڈ کیا گیا یہ گانا فلم کے مرکزی اداکاروں ماہرہ خان اور بلال اشرف پر فلمایا گیا ہے۔’ان دنوں‘ کے بول شکیل سہیل نے تحریر کیے ہیں جبکہ اس کی موسیقی آذان سمیع خان اور سعد سلطان نے دی ہے۔
سپر اسٹار کے ہدایتکار احتشام الدین ہیں اور اس کے ڈائیلاگ علی اور مصطفٰی آفریدی کے تحریر کردہ ہیں۔ فلم کی مرکزی کاسٹ ماہرہ خان اور بلال اشرف پر مشتمل ہے جبکہ دیگر ستاروں میں ندیم بیگ، جاوید شیخ، مرینہ خان، عاصمہ عباس، سیفی حسن اور مانی کے نام شامل ہیں۔
مومنہ اینڈ درید فلمز اور ہم فلمز کے بینر تلے بننے والی ’سپر اسٹار‘ کو ناظرین عید الاضحیٰ پر سینما گھروں میں دیکھ سکیں گے۔
