لندن : برطانوی صحافی ڈیوڈ روز نے کہا ہے کہ زلزلہ زدگان کی جس امداد میں خوردبرد کا الزام شہباز شریف پر لگایا گیا ہے وہ 2009 سے 2011 کے درمیان پاکستان آئی تھی۔
اپنے ٹویٹ میں انہوں نے کہا کہ مذکورہ فنڈ میں مبینہ طور پر چوری کی گئی اور اس کے ثبوت پاکستان کی عدالتوں میں بھی پیش کیے گئے تھے۔
I’m only going to make one comment on Shahbaz Sharif’s recent statements. He complains the earthquake was in 2005, before he became CM. But according to evidence already aired in a Pakistani court, the alleged thefts from the quake relief fund were in 2009 and 2011. Refutation?
— David Rose (@DavidRoseUK) July 26, 2019
انہوں نے شہباز شریف کے اس موقف کو بھی جھٹلایا ہے جس کے مطابق 2005 کے زلزلے کے وقت وہ وزیراعلیٰ پنجاب نہیں تھے اور کہا کہ جس فنڈ کا ذکر ڈیلی میل اخبار میں ہوا ہے وہ 2009 سے 2011 کے درمیان پاکستان آیا تھا۔
مزید پڑھیں : شہباز شریف نے ڈیلی میل اخبار کو قانونی نوٹس بھیج دیا
اس سے قبل شہباز شریف نے برطانوی اخبار ڈیلی میل کو قانونی نوٹس بھیجا تھا جس میں انہوں نے ڈیوڈ روز کی خبر کو جھوٹے الزامات پر مبنی قرار دیا تھا اور اس کا مقصد شریف خاندان کی سیاسی ساکھ اور کردار کو مسخ کرنا قرار دیا تھا۔
انہوں نے نوٹس میں کہا تھا کہ صحافی نے خبر شائع کرنے سے قبل ان کا موقف معلوم کرنے کی زحمت بھی نہیں کی، ورنہ وہ انہیں بتا دیتے کہ جس دور سے متعلق ذکر کیا گیا ہے اس وقت وہ برطانیہ میں جلا وطنی میں تھے۔