واشنگٹن: امریکہ کی نیشنل انٹیلی جنس میں بحیثیت سربراہ نامزد ہونے والے رکن کانگریس جان ریٹ کلف نے اس اہم ترین منصب سے اپنا نام واپس لے لیا ہے۔ امریکی صدر ڈونلڈ ٹرمپ نے انہیں اس منصب کے لیے نامزد کیا تھا لیکن مقامی ذرائع ابلاغ کی جانب سے ان کی نامزدگی پر سخت نکتہ چینی کی گئی تھی۔
امریکی ذرائع ابلاغ جان ریٹ کلف کے کوائف اور تجربے کو بنیاد بنا کر تسلسل کے ساتھ سوالات پوچھ رہے تھے۔
جان ریٹ کلف امریکی نیشنل انٹیلی جنس کے سربراہ نامزد
امریکی صدر ڈونلڈ ٹرمپ نے جان ریٹ کلف کے فیصلے پرسماجی رابطے کی ویب سائٹ ’ٹوئٹر‘ پر باقاعدہ ٹوئٹ کیا ہے جس میں انہوں نے ذرائع ابلاغ کو تنقید کا نشانہ بنایا ہے۔
Our great Republican Congressman John Ratcliffe is being treated very unfairly by the LameStream Media. Rather than going through months of slander and libel, I explained to John how miserable it would be for him and his family to deal with these people….
— Donald J. Trump (@realDonaldTrump) August 2, 2019
امریکی ذرائع ابلاغ کے مطابق ڈونلڈ ٹرمپ نے وائٹ ہاؤس کے جنوب میں واقع باغ میں ذرائع ابلاغ سے بات چیت کرتے ہوئے کہا کہ جان ریٹ کلف کے فیصلے کی وجہ ان سے پوچھے جانے والے سوالات ہیں۔
….John has therefore decided to stay in Congress where he has done such an outstanding job representing the people of Texas, and our Country. I will be announcing my nomination for DNI shortly.
— Donald J. Trump (@realDonaldTrump) August 2, 2019
امریکہ کے صدر ڈونلڈ ٹرمپ کے مطابق ذرائع ابلاغ نے جان ریٹ کلف کے ساتھ نا انصافی کی ہے۔ انہوں نے یہ بھی واضح کیا کہ جان ریٹ کلف کی نامزدگی کی توثیق کا عمل مختصر ترین نہیں بلکہ طویل ترین تھا۔
امریکی صدر ڈونلڈ ٹرمپ نے پانچ دن قبل جب جان ریٹ کلف کو اس اہم ترین منصب کے لیے نامزدگی کیا تھا تو اسی وقت ذرائع ابلاغ میں بحث کا سلسلہ شروع ہو گیا تھا کیونکہ وہ امریکی ایوان نمائندگان کی انٹیلی جنس کمیٹی کے جونیئر ترین رکن ہیں۔