راولپنڈی: ڈی جی آئی ایس پی آر میجرجنرل آصف غفور نے کہا ہے کہ بھارت کی جانب سے پاکستان پر فائرنگ کا الزام صرف پروپیگنڈا ہے۔
پاک فوج کے شعبہ تعلقات عامہ (آئی ایس پی آر) کے ڈائریکٹر جنرل (ڈی جی) میجر جنرل آصف غفور نے سماجی رابطہ کی ویب سائٹ ٹوئٹر پر کہا ہے کہ بھارت کی جانب سے پاکستان پر لائن آف کنٹرول (ایل او سی) پار کرنے کا الزام محض پروپیگنڈا ہے۔
یہ بھی پڑھیں بھارت کا وادی نیلم پر کلسٹر ٹوائے بم کے استعمال کا انکشاف
انہوں نے کہا کہ بھارت کی جانب سے پاکستان پر لائن آف کنٹرول کے پار کارروائی کرنے اور میتیں اٹھا کر لے جانے کا الزام جھوٹ پر مبنی ہے اور بھارت دنیا کی کشمیر سے توجہ ہٹانے کے لیے جھوٹ بول رہا ہے۔
Indian allegations of cross LOC action by Pakistan and possession of bodies are mere propaganda. Such blatant lies / staged dramas are Indian disinformation manoeuvre to divert world attention from increased atrocities by Indian Occupation Forces inside IOJ&K.
— DG ISPR (@OfficialDGISPR) August 3, 2019
میجر جنرل آصف غفور نے کہا کہ من گھڑت اور جھوٹ پر مبنی پروپیگنڈا بھارت کا وطیرہ رہا ہے اور وہ یہ پروپیگنڈا مقبوضہ کشمیر میں جاری مظالم سے توجہ ہٹانے کے لیے کر رہا ہے۔
