پاکستان تحریک انصاف کی طرف سے شروع کیا جانے والا ’’آؤ کراچی صاف کریں‘‘ منصوبہ چندہ مہم میں تبدیل ہوگیا ہے۔ پہلے دن مختلف علاقوں میں کچرا صاف کرنے کا کا کام کیا گیا۔ وفاقی وزیر علی زیدی نے کہاہے کہ نالوں کی صفائی کے لیے پونےدو کروڑ روپے درکار ہیں۔پیپلزپارٹی نے مہم کو مذاق قرار دے دیاہے۔
کلین کراچی مہم کے پہلے مرحلے میں کیماڑی، بھٹائی آباد، بوٹ بیسن، فیوچر کالونی میں موجود کچرے کے ڈھیر اٹھائے جارہے ہیں۔ نہرِ خیام کی بھی صفائی کا کام شروع کیاگیاہے۔
ذرائع ابلاغ کے نمائندوں سے گفتگو میں وفاقی وزیر علی زیدی کاکہناتھا کہ 5 بڑے نالوں سمیت چھ فیڈرنالوں کی صفائی کیلئے پونے دو ارب روپے درکار ہیں۔ اس کے لیے چندہ مہم شروع کی ہے۔
وفاقی وزیر علی زیدی نے کلین کراچی مہم کےسلسلےمیں امداد کےلیےاکاؤنٹ نمبر کا اعلان کیا تھا جو آج انہوں نے سوشل میڈیا پر شئیر کردیاہے۔ علی زیدی نے سماجی رابطے کی ویب سائٹ ٹوئٹر پر چندہ مہم کے لئے بنک اکاؤنٹس شئیر کیا ہے۔
Friends of #LetsCleanKHI drive who want to help, please deposit ur donations directly:
ACC NAME:
FWO-CLEAN KARACHIACC NO: 0786-7918163603
IBAN:
PK41 HABB 0007 8679 1816 3603Bank: HBL
Deposit in any of the 1600+ branches of @HBLPakLet’s clean our great city
Thank you
— Ali Haider Zaidi (@AliHZaidiPTI) August 5, 2019
سندھ اسمبلی میں پیپلزپارٹی کے اراکین اسمبلی نے اس چندہ مہم کو مذاق قرار دے دیا ہے۔ اس کے جواب میں پاکستان تحریک انصاف کے اراکین اسمبلی نے کہاہے کہ ہماری مجبوری ہے،صفائی مہم کے لیے وفاق سے پیسے لینا نہیں چاہتے۔
یہ بھی پڑھیے: تحریک انصاف کراچی کو صاف کرنے کے لئے میدان میں آگئی