مقبوضہ کشمیر کے اسٹیٹس سے متعلق انتہا پسند بھارتی جنتا پارٹی کی طرف سے بھارتی راجیہ سبھااورلوک سبھا میں متنازعہ بل کی منظوری کے بعد نریندر مودی کا بیان سامنے آیا ہے ۔
بھارتی وزیر اعظم نریندر مودی نے کہا ہے کہ ہم ایک ساتھ ہیں، ہم ایک ساتھ اٹھیں گے اور ہم ایک ساتھ مل کر 130 کروڑ ہندوستانیوں کے خوابوں کو شرمندہ ٔ تعبیر کریں گے!
سماجی رابطے کی ویب سائٹ ٹوئٹر پر اردو زبان میں جاری بیان میں نریندر مودی نے کہا ہماری پارلیمانی جمہوریت میں ایک یادگار لمحہ، جب جموں و کشمیر سے متعلق سنگ میل بل زبردست حمایت کے ساتھ منظور ہوئے ہیں۔ جموں و کشمیر کو اس سے فائدہ پہنچے گا۔
انہوں نے کہا میں جموں و کشمیر کے اپنے بھائی بہنوں کو ان کی جرأت اور وسیع النظری کے لئے سلام کرتا ہوں۔ برسوں سے مفاد پرست گروپ جو جذباتی بلیک میلنگ میں یقین رکھتے تھے، انہوں نے عوام کو بااختیار بنانے کی کبھی پرواہ نہیں کی۔ جموں و کشمیر اب ان بیڑیوں سے آزاد ہو چکا ہے۔
میں جموں و کشمیر کے اپنے بھائی بہنوں کو ان کی جرأت اور وسیع النظری کے لئے سلام کرتا ہوں۔ برسوں سے مفاد پرست گروپ جو جذباتی بلیک میلنگ میں یقین رکھتے تھے، انہوں نے عوام کو بااختیار بنانے کی کبھی پرواہ نہیں کی۔ جموں و کشمیر اب ان بیڑیوں سے آزاد ہو چکا ہے۔
— Narendra Modi (@narendramodi) August 6, 2019
نریندر مودی نے کہاجموں و کشمیر سے متعلق بل اتحاد اور اختیار کاری کو یقینی بنائیں گے۔ یہ اقدامات جموں و کشمیر کے نوجوانوں کو قومی دھارے میں لائیں گے اور انہیں اپنی ہنر مندی اور صلاحیت کا مظاہرہ کرنے کے وسیع مواقع فراہم کریں گے۔ مقامی بنیادی ڈھانچے میں اہم اصلاح رونما ہو گی۔
جموں و کشمیر سے متعلق بل اتحاد اور اختیار کاری کو یقینی بنائیں گے۔ یہ اقدامات جموں و کشمیر کے نوجوانوں کو قومی دھارے میں لائیں گے اور انہیں اپنی ہنر مندی اور صلاحیت کا مظاہرہ کرنے کے وسیع مواقع فراہم کریں گے۔ مقامی بنیادی ڈھانچے میں اہم اصلاح رونما ہو گی۔
— Narendra Modi (@narendramodi) August 6, 2019
بھارتی وزیراعظم نے کہالداخ کے عوام کو خصوصی مبارکباد! یہ بات از حد مسرت کی ہے کہ مرکز کا زیر انتظام علاقہ قرار دیے جانے کا ان کا دیرینہ مطالبہ پایۂ تکمیل کو پہنچا ہے۔ یہ فیصلہ ان کے خطے کی مجموعی خوشحالی کو مہمیز کرے گا اور بہتر ترقیاتی سہولتوں کو یقینی بنائے گا۔
لداخ کے عوام کو خصوصی مبارکباد! یہ بات از حد مسرت کی ہے کہ مرکز کا زیر انتظام علاقہ قرار دیے جانے کا ان کا دیرینہ مطالبہ پایۂ تکمیل کو پہنچا ہے۔ یہ فیصلہ ان کے خطے کی مجموعی خوشحالی کو مہمیز کرے گا اور بہتر ترقیاتی سہولتوں کو یقینی بنائے گا۔
— Narendra Modi (@narendramodi) August 6, 2019
پارلیمنٹ میں سیاسی پارٹیوں نے اس موقع پر اپنی بیداری کا ثبوت پیش کرتے ہوئے اپنی حمایت دی، نظریاتی اختلافات کو فراموش کرکے مالا مال بحث میں حصہ لیا جس نے ہماری پارلیمانی جمہوریت کے وقار میں اضافہ کیا ہے۔
سوشل میڈیا صارفین نے مودی کے اس بیان پر شدید ردعمل کا مظاہرہ کیا ہے ۔ ایک ٹویپ نے لکھایہ کیسی پارلیمنٹ ہے کیسی جمہوریت ہے ؟جمہور پہ فوجیں اتار دی جمہور کا گلا دبا دیا
تاکہ جمہور بھول بھی نہ سکے نہ ہی جمہور کی آواز کوئ دوسرا سن سکے یہ منافقت ہے جناب اسے تکبر کہتے ہیں
