راولپنڈی: پاک فوج کے شعبہ تعلقات عامہ کے ڈائریکٹر جنرل میجر جنرل آصف غفور نے بھارتی جنرل کے لائن آف کنٹرول پر دراندازی کا کھرا جواب دے دیا۔
اپنے ٹوئٹر پیغام میں میجر جنرل آصف غفور نے کہا کہ بھارت ایسے ہی جھوٹ سے ایل او سی پر در اندازی کا بہانہ ڈھونڈ رہا ہے۔
Should there be an attempt by Indian Army to undertake any misadventure, Pakistan’s response shall be even stronger than that of 27 Feb 2019.
Thousands of Indian troops have failed to suppress just struggle of brave Kashmiris for decades. Current surge won’t succeed either.— DG ISPR (@OfficialDGISPR) August 8, 2019
انہوں نے کہا کہ بھارت کشمیر کی بگڑتی صورت حال سے دنیا کی توجہ ہٹانا چاہتا ہے، بھارتی جنرل کا بیان ہمیشہ کی طرح جھوٹ کا پلندہ ہے۔
پاک فوج کے شعبہ تعلقات عامہ کے ڈائریکٹر جنرل نے بھارت کے چہرے پر جمہوریت کے جھوٹے نقاب کو الٹتے ہوئے کہا کہ مقبوضہ کشمیر کی صورت حال پر میڈیا میں بلیک آؤٹ ہے جبکہ آزاد کشمیر غیر ملکی میڈیا کے لیے کھلا ہوا ہے۔
Usual blatant lies. An attempt to carve out causes belli for a misadventure to divert world attention from precarious situation & atrocities in IOJ&K. While IOJ&K faces media blackout, AJ&K is open to foreign media & UNMOGIP to visit place of their own choosing. Can you do same? https://t.co/dVVMVxcKIs
— DG ISPR (@OfficialDGISPR) August 8, 2019
انہوں نے کہا کہ اقوام متحدہ کا فوجی مبصر گروپ آزاد کشمیر میں کہیں بھی جاسکتا ہے، کیا بھارت کے زیر تسلط کشمیر میں ایسا کچھ ہے؟
بھارتی افواج کو خبردار کرتے ہوئے انہوں نے کہا کہ بھارت کی جانب سے کسی بھی مہم جوئی کا جواب سخت اور فوری دیا جائے گا اور اب کی بار کا جواب 27 فروری سے کہیں زیادہ بھاری ہوگا۔
انہوں نے بھارتی فوج کی کشمیر میں جارحیت پر کہا کہ ہزاروں بھارتی فوجی بہادر کشمیریوں کی جدوجہد کو دبانے میں ناکام رہے ہیں اور بھارت کی تازہ کوششیں بھی ناکام ہوں گی۔
