اسلام آباد: وزیراعظم عمران خان نے کہا ہے کہ مقبوضہ کشمیر میں کرفیو، کریک ڈاؤن اور نسل کشی آر ایس ایس کے نازی نظریے کا ہندوانہ عکس ہے۔
سماجی رابطے کی ویب سائیٹ پر اپنے ٹویٹ میں ان کا کہنا تھا کہ نسل کشی کے ذریعے کشمیر میں آبادی کا تناسب تبدیل کرنے کی کوشش کی جا رہی ہے۔
انہوں نے عالمی برادری سے سوال پوچھا کہ جس طرح دنیا نے ہٹلر کے میونخ میں مظالم کو خاموشی سے دیکھ کر بھی اسے خوش کرنے کی کوشش کی تھی، کیا وہ مقبوضہ کشمیر میں بھی یہی کچھ کرے گی؟
وزیراعظم نے مزید کہا کہ جس طرح ہٹلر آریاؤں کی نسلی برتری پر یقین رکھتا تھا اسی طرح آر ایس ایس بھی ہندو بالادستی پر یقین رکھتی ہے اور مجھے خدشہ ہے کہ وہ بھارتی مقبوضہ کشمیر میں اپنی حرکتوں سے باز نہیں آئے گی۔
I am afraid this RSS ideology of Hindu Supremacy, like the Nazi Aryan Supremacy, will not stop in IOK; instead it will lead to suppression of Muslims in India & eventually lead to targeting of Pakistan. The Hindu Supremacists version of Hitler's Lebensraum.
— Imran Khan (@ImranKhanPTI) August 11, 2019
انہوں نے کہا کہ یہ ذہنیت سب پہلے بھارت میں موجود مسلمانوں پر مظالم کرے گی اور آخرکار پاکستان کو ہدف بنانے کی کوشش کرے گی۔
عمران خان نے آر ایس ایس کو ہٹلر کے نظریات کا ہندو عکس قرار دیا۔
یہ بھی پڑھیں : مقبوضہ وادی میں نظام زندگی مفلوج، چھ کشمیری شہید، 500 گرفتار