اسلام آباد: وزیر اعظم عمران خان کی معاون خصوصی برائے اطلاعات و نشریات ڈاکٹر فردوس عاشق اعوان نے کہا ہے کہ کوئی جبر، ظلم، کرفیو، ہتھکڑی اور کوئی قید خانہ کشمیریوں کو غلام نہیں بنا سکتا۔
معاون خصوصی برائے اطلاعات ڈاکٹر فردوس عاشق اعوان نے سماجی رابطہ کی ویب سائٹ پر ٹویٹ کیا کہ مودی سرکار کی بھارتی تسلط کی پالیسی ترک نہ کرنے پر خطے کے امن کو شدید خطرات لاحق ہیں۔ بھارت اپنے انتہا پسندانہ رویے پر نظر ثانی کرے۔
ہندتوا کی سوچ پر کاربند مودی سرکار نے بھارتی تسلط کی پالیسی نہ ترک کی تو خطے کے امن کو شدید خطرات لاحق ہیں۔بھارت اپنے انتہا پسندانہ رویے پر نظر ثانی کرے ۔کشمیر ایک متنازع علاقہ ہے جس کا حل اقوام متحدہ کی قراردادوں کی روشنی میں ہی ممکن ہے۔
— Firdous Ashiq Awan (@Dr_FirdousPTI) August 13, 2019
انہوں نے کہا کہ کشمیر ایک متنازع علاقہ ہے جس کا حل اقوام متحدہ کی قرار دادوں کی روشنی میں ہی ممکن ہے اور کوئی جبر، کوئی ظلم، کوئی کرفیو، کوئی ہتھکڑی اور کوئی قید خانہ کشمیریوں کو غلام نہیں بنا سکتا۔
کوئی جبر، کوئی ظلم، کوئی کرفیو، کوئی ہتھکڑی اور کوئی قیدخانہ کشمیریوں کو غلام نہیں بنا سکتا۔ عید کے دن کشمیریوں کو ان کی مذہبی رسومات ادا کرنے سے روکنا ثابت کرتا ہے کہ بھارت کشمیر پر غاصبانہ قبضہ کر رہا ہے۔
— Firdous Ashiq Awan (@Dr_FirdousPTI) August 13, 2019
فردوس عاشق اعوان نے کہا کہ عید کے دن کشمیریوں کو ان کی مذہبی رسومات ادا کرنے سے روکنا ثابت کرتا ہے کہ بھارت کشمیر پر غاصبانہ قبضہ کر رہا ہے اور قربانی کے روز مسلمانوں کو ان کے مقدس تہوار منانے سے روکنا ثابت کرتا ہے کہ سیکولر اور جمہوری بھارت مودی کے ہاتھوں قتل ہوچکا ہے۔
قربانی کے روز مسلمانوں کو ان کے مقدس تہوار منانے سے روکنا ثابت کرتا ہے کہ سیکولر اور جمہوری بھارت مودی کے ہاتھوں قتل ہوچکا ہے۔کشمیریوں اور پاکستانیوں کی خوشیاں اور غم سانجھے ہیں۔کشمیر میں آزادی کا سورج طلوع ہو کر رہے گا۔
— Firdous Ashiq Awan (@Dr_FirdousPTI) August 13, 2019
انہوں نے کہا کہ کشمیریوں اور پاکستانیوں کی خوشیاں اور غم سانجھے ہیں جبکہ کشمیر میں آزادی کا سورج طلوع ہو کر رہے گا۔