اسلام آباد: وزیراعظم عمران خان نے کہا ہے کہ جو کچھ مقبوضہ کشمیر میں ہو رہا ہے اس سے مسلم دنیا میں انتہا پسندی بڑھے گی اور تشدد کا نیا دور ابھرے گا۔
اپنے ٹوئٹر پیغام میں انہوں نے سوال کیا کہ کیا دنیا سربرینیکا کی طرح وادی میں ایک اور قتل عام کو خاموشی سے دیکھے گی؟ دنیا کو خبردار کرنا چاہتا ہوں کہ اگر ایسا ہونے دیا گیا تو اس کے سنگین نتائج برآمد ہوں گے۔
انہوں نے کہا کہ بھارتی وزیراعظم نریندر مودی نے پہلے بھی گجرات میں مسلمانوں کی نسل کشی کی، اب مقبوضہ کشمیر میں 12 دن سے کرفیو نافذ ہے اور مواصلاتی نظام مکمل طور پر بند ہے۔
وزیراعظم نے کہا کہ پہلے سے بھارتی فوج کی موجودگی میں اضافی دستے تعینات کیے گئے ہیں جبکہ آر ایس ایس کے غنڈوں کو مقبوضہ وادی میں بھیجا جا رہا ہے۔
کیا دنیا خاموشی سے مقبوضہ کشمیر میں مسلمانوں کی نسل کشی اور سربرینیکا جیسے ایک اور قتل عام کا نظارہ کرے گی؟میں اقوام عالم کو متنبہہ کرتا ہوں کہ اگر اسکی اجازت دی گئی تو مسلم دنیا سے شدید ردعمل اور سنگین نتائج برآمد ہوں گے، انتہاء پسندی کو ہوا ملے گی اور تشدد کا نیا دور ابھرے گا۔
— Imran Khan (@ImranKhanPTI) August 15, 2019
