فلم ’سپر اسٹار‘ نے باکس آفس پر کامیابی کے جھنڈے گاڑ دیے

August 15, 2019
ویب ڈیسک
فلم سپر اسٹار کی دبئی میں پروموشن

ویب ڈیسک: مومنہ اینڈ درید پروڈکشنز اور ہم فلمز کے بینر تلے بننے والی فلم ’سپراسٹار‘ نے باکس آفس میں کامیابی کے جھنڈے گاڑ دیے۔

فلم سپر اسٹار نے پہلے تین دن میں 11 کروڑ سے زیادہ کمائے۔

فلم کی نمائش  ملک بھر کے سینما گھروں سمیت مشرق وسطیٰ، امریکہ اور یورپ کے سینما گھروں میں جاری ہے۔ فلم نے پاکستان میں ساڑھے چھ کروڑ روپے کا کاروبار کیا ہے.

اسی طرح سپر اسٹار نے بیرون ملک تین دن کے اندر پانچ کروڑ سے زیادہ کا بزنس کیا ہے.

فلم ملک بھر کے سینما گھروں اور سمندر پار سینما ہاوسز میں پیش کر دی گئی ہے جہاں شائقین کی جانب سے اسے بے پناہ پذیرائی ملی ہے۔

فلم دیکھنے والے جہاں اس کی تعریف میں مگن ہیں وہیں سینما گھروں میں بھی رش کی صورتحال ہے اور کئی جگہوں پر ہاؤس فل مل رہا ہے۔

ماہرہ خان اور بلال اشرف کی جوڑی بہت پسند کی گئی ہے اور اس کے چاروں طرف چرچے ہیں۔

سپراسٹار کی کہانی، گیت، رقص اور موسیقی نے جہاں دلوں کو جیتا ہے وہاں اعلیٰ ہدایت کاری اور سینماٹوگرافی نے بھی اسے چار چاند لگا دیے ہیں۔

شائقین کا کہنا ہے کہ پاکستانی فلم انڈسٹری کے احیاء میں اس فلم کا بڑا کردار ہو گا۔


ٹیگز :
متعلقہ خبریں
نازش جہانگیر

نازش جہانگیر نے بابر سے متعلق اپنے نام سے منسوب بیان جعلی قرار دیدیا

معروف اداکار و گلوکار ڈونی رولونک نے اسلام قبول کر لیا

معلوم نہیں تھا سلمان خان میری زندگی بدل دیں گے، زرین خان