اسلام آباد: ڈی جی آئی ایس پی آر میجر جنرل آصف غفور نے کہا ہے کہ حکام نے فیس بک اور ٹوئٹر کے سامنے پاکستانیوں کے اکاؤنٹ معطل کرنے کا معاملہ اٹھایا ہے۔
Pakistan authorities have taken up case with Twitter & Facebook against suspending Pakistani accounts for posting in support of Kashmir. Indian staff at their regional Headquarters is the reason. Please post in reply suspended accounts that you know.
— Asif Ghafoor (@peaceforchange) August 17, 2019
اپنے ٹوئٹر پیغام میں ان کا کہنا تھا کہ فیس بک اور ٹوئٹر کے علاقائی ہیڈکوارٹر میں کام کرنے والا بھارتی عملہ ان اکاؤنٹس کے معطل ہونے کی وجہ ہے۔
انہوں نے صارفین سے درخواست کی کہ اگر وہ معطل ہونے والے اکاؤنٹس سے آگاہ ہیں تو پوسٹ میں رپلائی کریں۔
خیال رہے کہ گزشتہ کچھ عرصے سے پاکستانی سوشل میڈیا صارفین کی جانب سے شکایت سامنے آرہی ہے کہ جب وہ کشمیر کے حق میں کچھ پوسٹ کرتے ہیں تو ان کے اکاؤنٹ معطل کردیے جاتے ہیں۔
اب تک فیس بک اور ٹوئٹر کی جانب سے متعدد اکاؤنٹ کو معطل کیا جاچکا ہے جبکہ اس حوالے سے ٹوئٹر پر ٹاپ ٹرینڈ آج دن بھر چلتا رہا۔
