اسٹاک مارکیٹ میں 797 پوائنٹس کا اضافہ

پاکستان اسٹاک مارکیٹ میں 172 پوائنٹس کا اضافہ

فوٹو: فائل


اسلام آباد: پاکستان اسٹاک ایکسچینج 797 پوائنٹس اضافے کے ساتھ 29 ہزار 562 پوائنٹس کی سطح پر پہنچ گیا۔

کاروباری ہفتہ کے پہلے روز پیر کو اسٹاک مارکیٹ کا آغاز مثبت زون میں ہوا اور آج سارا دن کاروبار مثبت زون میں ہی ٹریڈ کرتا رہا۔

کے ایس ای 100 انڈیکس میں کاروبار کا آغاز 28 ہزار 764 پوائنٹس پر ہوا اور ابتدا میں 100 انڈیکس مثبت زون میں ٹریڈ کرتے دیکھا گیا۔ آغاز میں ہی انڈیکس میں 47 پوائنٹس کا اضافہ ریکارڈ کیا گیا تاہم جلد ہی کاروبار منفی زون میں چلا گیا اور 100 انڈیکس میں 89 پوائنٹس کی کمی بھی نظر آئی۔

ابتدائی ایک گھنٹے کے بعد کاروبار مسلسل مثبت زون میں ہی ٹریڈ کرتا نظر آیا اور کے ایس ای 100 انڈیکس میں 845 پوائنٹس تک کا اضافے کے ساتھ 29 ہزار 609 پوائنٹس پر ٹریڈ کرتے دیکھا گیا تاہم کاروبار کا اختتام 797 پوائنٹس کے اضافے کے ساتھ 29 ہزار 562 پوائنٹس پر ہوا۔

کاروبار کے دوران کے ایس ای 100 انڈیکس میں 76,330,110 شیئرز کی لین دین ہوئی جس کی مالیت پاکستانی روپوں میں 3,653,406,740 بنتی ہے۔

یاد رہے گزشتہ ہفتے عید تعطیلات کے بعد جمعہ کے روز کساد بازاری کا سلسلہ جاری رہا اور 100 انڈیکس 664 پوائنٹس کی کمی کے بعد 28 ہزار 764 کی سطح پر اختتام پذیر ہوا۔

کاروبار کے آغاز میں مارکیٹ  100 انڈیکس 29 ہزار 429 پر کھلی مگر 93.98 پوائنٹس کی کمی کے بعد انڈیکس 29 ہزار 335 پر آ گیا۔

مارکیٹ میں بلند ترین سطح 29 ہزار429  پوائنٹس پر دیکھی گئی جبکہ کم ترین سطح 28 ہزار691 رہی۔ مجموعی طور پر53،423،710 حصص کا لین دین ہوا جن کی مالیت 3،323،773،082 پاکستانی روپے رہی۔

اسٹاک مارکیٹ کی خراب کارکردگی پر ہم نیوز کے ڈیجیٹل شعبے کو دیے گئے انٹرویو میں ماہرِ معاشیات  ڈاکٹر اشفاق حسن نے بتایا تھا کہ مارکیٹ واقعات اور معلومات سے جڑی ہوتی ہے، کوئی بھی واقعہ یا خبر اسے اوپر نیچے کر دیتا ہے۔

یہ بھی پڑھیں تحریک انصاف کی حکومت کا ایک سال ،ڈالر کہانی

ان کا کہنا تھا کہ ملک میں اگر اچھی خبریں گردش کریں گی اور سیاسی استحکام ہو گا تو اسٹاک مارکیٹ بھی مثبت رہے گی۔

انہوں نے کہا کہ چونکہ اسٹیٹ بینک نے شرح سود 13.25 فیصد کر دیا ہے اور ایسا تاثر موجود ہے کہ اس میں مزید اضافہ بھی کیا جا سکتا ہے، اس وجہ سے بھی لوگ اسٹاک مارکیٹ میں سرمایہ کاری کرنے سے کترا رہے ہیں۔


متعلقہ خبریں