ممبئی: بالی وڈ کی ملکہ کرینہ کپور کے گھر گزشتہ رات ایک بہت بڑی سالگرہ پارٹی کا اہتمام کیا گیا۔ جس میں بالی وڈ کی حسیناؤں سمیت تمام بڑے اداکارشریک ہوئے۔
لیکن یہ سالگرہ جوان دلوں کی دھڑکن سیف علی خان کی تھی نا ہی سوشل میڈیا کے ستارے تیمورعلی خان کی۔ بلکہ کرینہ کپور کے گھراُن کے والد رندھیر کپور کی سالگرہ پارٹی ہوئی۔
سالگرہ کا کیک اداکار رندھیر کپورکے نواسے نواسیوں کی جانب سے تھا۔ کرینہ کپور کے بیٹے تیمور علی خان اور کرشمہ کپور کی بیٹی سمرن اور بیٹے کیان کا نام خوبصورت انداز میں کیک پر لکھا ہوا تھا۔ اس کے علاوہ کیک پر وی لو یو نانا بھی لکھوایا گیا تھا۔
سوشل میڈیا پر شئیر کی گئی پارٹی کی تصویروں نے دھوم مچا دی۔
پارٹی میں رندھیر کپور کی بیوی ببیتا اور بیٹیوں کرینہ اور کرشمہ کے علاوہ بہت سارے اداکاروں نے شرکت کی۔
کرشمہ کپور کے ساتھ اُن کے بچوں بھی پارٹی سے خوب لطف اندوز ہوئے۔