اسلام آباد: وفاقی وزراء نے آرمی چیف جنرل قمر جاوید باجوہ کی مدت ملازمت میں تین سال کی توسیع کو سیکیورٹی پالیسی کے تسلسل کی علامت قرار دے دیا۔
وزیرخارجہ شاہ محمود قریشی نے کہا کہ فیصلہ کشمیر اور خطے کی سلامتی کی صورتحال کے پیش نظر کیا گیا۔
وفاقی وزیر قانون بیرسٹر فروغ نسیم نے کہاہے کہ جنرل باجوہ کی بطور چیف آف آرمی سٹاف مدت میں توسیع کے وزیراعظم کے فیصلے پر قوم کو مبارکباد پیش کرتا ہوں۔
انہوں نے کہا کہ جنرل باجوہ کی بطور چیف مدت میں توسیع علاقائی سلامتی اور چیلنجز سے نمٹنے کے لیئے خوش آئند ہو گی،میری نیک تمنائیں جنرل باجوہ کے ساتھ ہیں۔
وزیرریلوے شیخ رشید بولے فیصلے سے دنیا کو پیغام دیا گیا کہ جمہوری حکومت اورفوج ایک پیج پر ہے۔
وفاقی وزیر فواد چودھری نے کہا آرمی چیف کی مدت میں توسیع موجودہ حالات کی سنجیدگی کا ادراک ہے۔ ہم تاریخ کے اہم دوراہے پر ہیں۔
وزیرخارجہ شاہ محمود قریشی کا کہنا ہے کہ آرمی چیف کی مدت ملازمت بڑھانے کا فیصلہ تسلسل کا واضح پیغام ہے، فیصلہ کشمیراورخطے کی سلامتی کی صورتحال کے پیش نظرکیا گیاہے۔
وزیرریلوے شیخ رشید بولے کہ فیصلے سے دنیا کو پیغام دیا گیا ہےکہ جمہوری حکومت اورفوج ایک پیج پرہے۔
سماجی رابطے کی ویب سائٹ ٹوئٹر پر اپنے پیغام میں فواد چودھری نے کہا کہ آرمی چیف کی عہدے میں توسیع موجودہ حالات کی سنجیدگی کا ادراک ہے۔ ہم تاریخ کے اہم دوراھے پر ہیں۔
آرمی چیف کی عہدے میں توسیع کا نوٹیفیکیشن موجودہ سیکیورٹی حالات کی سنجیدگی کا ادراک ہے، ہم تاریخ کے اہم دوراھے پر ہیں اور جنرل باجوہ پاکستان کی سیکیورٹی پالیسی کے تسلسل کی علامت ہیں۔امید ہے اس فیصلے کو تاریخ میں جگہ ملیگی اور پاکستان کے استحکام کیلئے یہ فیصلہ سنگ میل ثابت ہو گا
— Ch Fawad Hussain (@fawadchaudhry) August 19, 2019
صوبائی وزیر پنجاب راجا بشارت نے کہا ہے کہ وزیر اعظم نے موجودہ ملکی حالات کے پیش نظر بہترین فیصلہ کیا ،جنرل قمر جاوید باجوہ کشمیر سے متعلق چیلنجز کا مقابلہ کرنے کی صلاحیت رکھتے ہیں۔
یہ بھی پڑھیے: آرمی چیف جنرل قمر جاوید باجوہ کی زیر قیادت پاک فوج کی کامیابیاں
آرمی چیف جنرل قمر جاوید باجوہ کی مدت ملازمت میں تین سال کی توسیع
