فلم سپر اسٹار کی دنیا بھر میں دھوم

فلم ’’سپر اسٹار‘‘ کی سینما گھروں میں دھوم برقرار

اسلام آباد: مومنہ اینڈ درید پروڈکشن کی فلم سپر اسٹار نے ریلیز ہونے کے بعد ملک بھر میں دھوم مچا دی ہے۔

مومنہ اور درید پروڈکشنز اور ہم فلمز کے بینر تلے بننے والی فلم سپر اسٹار کے دھوم اس وقت پوری دنیا میں ہے۔ فلم کی ہیروئن ماہرہ خان اور ہیرو بلال اشرف ہوسٹن میں فلم سپر اسٹار کی نمائش کے موقع پر موجود تھے۔ جنہیں دیکھ کر شائقین نے خوشی کا اظہار کیا۔

اس موقع پر ماہرہ خان نے شائقین سے بات چیت کی اور فلم دیکھنے والے تمام افراد کا انتہائی شکریہ ادا کیا۔

دوسری جانب میگزین او کے پاکستان نے بھی فلم سپر اسٹار کے ہیروز کے خوبصورت کور پیچ اپنے میگزین پر سجا دیے۔

یہ بھی پڑھیں فلم ’سپر اسٹار‘ نے باکس آفس پر کامیابی کے جھنڈے گاڑ دیے

واضح رہے کہ فلم سپر اسٹار عید الضحیٰ کے موقع پر ریلیز کی گئی جس نے اپنے ابتدائی تین روز میں ہی 11 کروڑ روپے سے زائد کا کاروبار کیا۔ فلم سپر اسٹار اس وقت پاکستان سمیت دنیا بھر میں  باکس آفس پر چھائی ہوئی ہے۔


متعلقہ خبریں