موبائل کے لئے نقصان دہ ایپس کے حوالے سے وارننگ جاری

موبائل کے لئے نقصان دہ ایپس کے حوالے سے وارننگ جاری

گوگل اینڈروائڈ نے اپنے تمام صارفین کو  پلے اسٹور پر موجود کئی نامی گرامی اپیلیکیشنز موبائل فون سے  فوری ہٹانے کا مشورہ دے دیا۔

اسمارٹ فونز کو نقصان پہنچانے والی ویڈیو گیمز اور کیمرہ ایپلیکیشنز جو کہ ایک محتاط اندازے کے مطابق 80 لاکھ مرتبہ ڈاؤن لوٖڈ کی جا چکی ہیں اور پلے اسٹور پر موجود تھیں۔

اسمارٹ فونز اور صارف کی ذاتی نوعیت کی معلومات کے لئے خطرناک تصور کی جانے والی یہ ایپلیکیشنز ایک مرتبہ جب انسٹال کر لی جاتی ہیں تو یہ خفیہ طور پر اشہتارات کے ذریعے صارف کی حرکات پر نظر رکھ لیتی ہے جبکہ اسے موبائل سے ڈیلیٹ کرنا بھی انتہائی مشکل ہوتا ہے۔

معاملے کی سنگینی کا ادراک کرتے ہوئے گوگل نے ایسی تمام ایپلیکشنز پلے اسٹور سے ہٹا لی ہیں جو اب صارفین کو ڈاؤن لوڈنگ کے لئے میسر نہیں ہوں گی۔

ان ایپلیکیشنز میں میجیک کیمرہ، بلر فوٹو ایڈیٹر، بیک گراؤنڈ ری پلیسمنٹ، جیسی کئی اور ایپلیکشنزموجود ہیں۔

اس ضمن میں نجی سافٹ ویئر کمپنی کے انجینئر کی جانب سے جاری رپورٹ میں کہا گیا ہے کہ یہ ایڈ ویئر لیڈن ایپلیکیشنز میں 85 ایپس فوٹوگرافی اور گیمینگ کے زمرے میں آتی ہیں جنہیں 80 لاکھ مرتبہ ڈاؤن لوڈ بھی کیا جا چکا ہے۔

رپورٹ میں بتایا گیا ہے کہ صارف کے مرضی کے بغیر یہ اسپیم ایپلیکشنز بیک اینڈ پر چلتی رہتی ہیں جس سے اسمارٹ فون کی بیٹری جلد ختم ہونے کی شکایات موصول ہوئی ہیں۔

متعلقہ خبریں

ٹاپ اسٹوریز