اسلام آباد: وزیراعظم عمران خان نے عالمی برادری کو خبردار کیا ہے کہ انسانی حقوق کی خلاف ورزیوں سے توجہ ہٹانے کے لیے بھارتی قیادت کوئی جھوٹا آپریشن کر سکتی ہے۔
اپنے ٹویٹ میں انہوں نے بھارتی میڈیا کے اس پراپیگنڈہ کا ذکر کیا جس میں افغانستان سے دہشتگردوں کے مقبوضہ کشمیر میں داخلے کا دعویٰ کیا گیا ہے۔
انہوں نے کہا کہ ایسے دعوے مقبوضہ کشمیر میں جاری نسل کشی کے ایجنڈے سے توجہ ہٹانے کے لیے کیے جا رہے ہیں۔
وزیراعظم کا کہنا تھا کہ بھارت انسانی حقوق کی سنگین خلاف ورزیوں کو عالمی برادری سے اوجھل کرنے کے لیے کوئی جھوٹا آپریشن کر سکتا ہے۔
I want to warn the international community that the Indian leadership will in all probability attempt a false flag operation to divert attention from its massive human rights violations & the unleashing of a reign of terror in IOJK.
— Imran Khan (@ImranKhanPTI) August 23, 2019
اس سے قبل اپنے ایک اور ٹویٹ میں عمران خان نے کہا تھا کہ بھارت پر ہندو نسل پرست، فاشسٹ قیادت اور نظریے کا قبضہ ہے اور اس نے جرمن نازیوں کی سوچ اپنا لی ہے۔
انہوں نے کہا تے تھا کہ گزشتہ دو ہفتوں سے کشمیر کا محاصرہ جاری ہے جس کے بعد دنیا بھر خطرے کی گھنٹیاں بجنی چاہیے تھیں اور وہاں اقوام متحدہ کے مبصرین کو بھیجا جانا چاہیے تھا۔
