نئی دہلی: بھارت کے سابق وزیر خزانہ ارُن جیٹلی 66 برس کی عمر میں وفات پا گئے ہیں۔
بھارتیہ جنتا پارٹی کے ممتاز رہنما ارُن جیٹلی کو تنفس کے مسائل کے باعث نئی دہلی کے اسپتال آل انڈیا انسٹیٹیوٹ آف میڈیکل سائنسز میں دو ہفتے قبل داخل کرایا گیا تھا۔
سابق وزیر خزانہ کی وفات مقامی وقت کے مطابق دن 12 بج کر سات منٹ پر ہوئی۔
اسپتال کی جانب سے ان کی وفات کے متعلق جاری کیے گئے بیان میں کہا گیا کہ ہم بہت دکھ سے یہ اطلاع دینا چاہتے ہیں معزز رکن پارلیمان اور سابق وزیر خزانہ ارن جیٹلی وفات پا گئے ہیں۔
ارن جیٹلی بھارت کے موجودہ وزیراعظم نریندر مودی کی گزشتہ کابینہ میں 2014 سے 2019 تک وزیر خزانہ کے منصب پر فائز تھے۔
سابق وزیر خزانہ ذیابیطس کے مرض میں مبتلا تھے جبکہ 2018 میں ان کے گردوں کی پیوندکاری بھی کی گئی تھی۔ 52 سال کی عمر میں وکیل و سیاستدان ارن جیٹلی کےدل کا تیسرا بائی پاس بھی ہوا تھا۔
ارن جیٹلی نے کچھ عرصہ کے لیے بطور بھارتی وزیر دفاع بھی خدمات سرانجام دی ہیں جبکہ سابق وزیراعظم اٹل بہاری باجپائی کی کابینہ کا وہ بطور وزیر قانون حصہ رہے ہیں۔
ارن جیٹلی کی وفات کی خبر منظرعام پر آتے ہی ہر طرف سے ان کی وفات پر تعزیت کا سلسلہ شروع ہو گیا۔ تمام شعبہ ہائے زندگی سے منسلک لوگوں نے ان کی وفات پر رنج و غم کا اظہار کیا ہے۔
With the demise of Arun Jaitley Ji, I have lost a valued friend, whom I have had the honour of knowing for decades. His insight on issues and nuanced understanding of matters had very few parallels. He lived well, leaving us all with innumerable happy memories. We will miss him!
— Narendra Modi (@narendramodi) August 24, 2019
Pained at the passing away of #ArunJaitley ji. Apart from having served greatly in public life , he played a huge role in many players from Delhi getting an opportunity to represent India. There was a time when not many players from Delhi got a chance at the highest level ..cont
— Virender Sehwag (@virendersehwag) August 24, 2019
یاد رہے کہ رواں برس بھارتیہ جنتا پارٹی اپنی ایک اور ممتاز رہنما سشما سوراج سے بھی محروم ہو گئی ہے، سشما کی وفات دل کا دورہ پڑنے کی وجہ سے ہوئی تھی۔
