اسلام آباد: ٹوئٹر انتظامیہ نے اپنی جانبداری کی روایت کو برقرار رکھتے ہوئے کشمیریوں کے حق میں آواز بلند کرنے والوں کے اکاؤنٹس کے خلاف کارروائی کرتے ہوئے صدر مملکت عارف علوی کو بھی نوٹس جاری کر دیا ہے۔
ٹوئٹر انتظامیہ کی جانب سے صدر مملکت کو بھیجے گئے نوٹس کی تصویر وفاقی وزیر برائے انسانی حقوق ڈاکٹر شیریں مزاری نے اپنے ٹوئٹر اکاؤنٹ پر شیئر کی۔
تصویر کے ساتھ ڈاکٹر شیریں مزاری نے لکھا ہے کہ ٹوئٹر انتظامیہ بھی مودی سرکار کا بغل بچہ بن گئی ہے۔
Twitter has really gone too far in becoming mouthpiece of the Rogue Modi govt! They sent a notice to our President! In bad taste and simply ridiculous. pic.twitter.com/9jxhmVKaL9
— Shireen Mazari (@ShireenMazari1) August 26, 2019
صدر مملکت عارف علوی کو دی گئے نوٹس مضحکہ خیز قرار دیتے ہوئے انہوں نے کہا کہ ٹوئٹر انتظامیہ مودی کی ترجمان بننے کی کوشش کررہی ہے۔
واضح رہے کہ صدر مملکت عارف علوی کشمیر میں بھارتی فورسز کی جانب سے کیے جانے والے مظالم کو عیاں کرنے کے لیے ٹویٹس کررہے تھے۔
